PM RUI: GOVERNU FOO EJAME DIAGNOSTIKA NASIONAL BA FP

DILI - Primeiru Ministru (PM) Rui Maria de Araujo deklara katak Governu foo ejame diagnostika Nasional ba funsionariu publiku (FP), hodi garantia kualidade serbisu Finansas Publika  nian.

Tuir PM Rui katak programa Ejame Diagnosiku Nasional nee hahu kedas iha V Governu Konstituisional, neebe  lidera husi  Kay Rala Xanana Gusmão, objetivu ejame nee hodi garante diak liu tan funsionariu sira neebe serbisu iha area jestaun finansas publikas.

Ho akademiku oi-oin nee, hau hola inisiativa ida, hodi halo ejame diagnostika, nunee bele haree sira nia kapasidade, neebe serbisu ho numeru, tenke serbisu ho regras inklui tenke serbisu tuir lei. Objetivu fundamentu husi ejame diagnosiku atu garante diak liu tan iha servisu finansas publikas nian, tanba durante nee hau rona  lamentasoens barak, konba prosesu aprovijionamentu demora, prosesu pagamentu kleur, tamba nee tenki halo ejame ida nee hodihatene sira nia kapasidade serbisu too iha neebe,” hateten PM Rui, ba Jornalista sira iha hafoin remata observa ejame Diagnosiku Nasional, iha CCD, eis Merkadu Lama, Dili, Kuarta (24/06/2015).

Xefi Governu nee mos hatutan bainhira Xefi Governu nee serbisu iha Ministeriu Finansas programa nee iha tiha ona, kuadru legal mak ida nee, entaun agora aprova fila-fali iha VI Governu Konstituisional, no Ministeriu Finansas hahu halao ejame ida nee.

Relasiona ho ejame ida nee iha Loron kuarta (24/06), funsionariu neebe serbisu iha jestaun finansas publikas hamutuk 300 resin maka hahu ezame diagnostika Nasional. Informasaun kompletu iha STL Jornal no STL Web, edisaun Kinta (25/6/2015). Joao Anibal

Suara Timor Lorosae