TAUR KONTINUA DEFENDE MILITAR OBRIGATORIU

BAUCAU - Prezidente Republika Taur Matan Ruak kontinua defende Militar Obrigatoriu tamba militar aprende respeita malu, respeita horas, tan nee joventude nebe tama militar ninia hahalok la hanesan ho sidadaun bai-bain.

Taur esplika katak sai militar Lei Obriga sira atu mate ba ema seluk ninia liberdade, tamba nee Militar la hanesan sidadaun sira nebe mak sivil, tamba sira halao servisu kumpri oras no regra nasaun ninian.

Hau Komesa uluk sei iha Jeneral to Agora Defende Militar obrigatoriu tamba aprende buat barak no hatene respeita malu no hahalok la hanesan ho sidadaun bai-bain,” dehan PR Taur liu husi Dialogu ho Povu Suku Larisula, Kinta (25/06/2015).

Nia hateten joven sira iha suku seluk mos hakarak sai militar maibe depende kriteira nebe mak iha tan nee hein katak iha tempu seluk joven iha suku Larisula mos bele sai militar maibe problema nee laos akontese deit iha Larisula suku seluk mos hanesan.

Prezidente Republika Durante Semana ida halo Vizita no dialogu ho povu Durante Semena ida Suku Sanalu nebe Kompostu husi suku 4 iha Postu Administrativu Watukarbau, Minispiu Ermera no Suku 6 iha postu Administrativu Baguia Munisipiu Baucau. Timotio Gusmao

Suara Timor Lorosae