Prokuradór jerál luzófona husu atu halo parte ba estrutura CPLP

Prokuradór jerál repúblika luzófona horisehik iha Sidade Praia husu atu halo parte ba estrutura Komunidade Nasaun Lian Portugés (CPLP) nian, no “prontu” atu halo tuir prosedimentu hosi materiál pedidu nian. 

Pedidu ne’e inklui iha “Deklarasaun Paria”, ne’ebé relasiona ho desizaun ne’ebé foti durante 13.º Enkontru hosi PJR CPLP nian, iha Kapitál Kaboverde hamutuk ho delegasaun hosi Angola, Brazil, Kaboverde, Guiné-Bissau, Mosambike, Portugal, São Tomé e Príncipe ho Timor-Leste, no Makau hanesan nasaun observadór.

Ideia maka “atu institusionaliza” enkontru hosi prokuradór luzófona, bazeia ba “dimensaun kontitusionál” ne’ebé funsaun hothotu hosi Ministériu Públiku asumi iha organizasaun nomós funsionamentu iha kada Estadu membru.

Iha “deklarasaun” nasaun ualu – Guiné Ekuatoriál la partisipa maski simu konvite – no Makau dehan hikas kona-ba nesesidade hosi Ministériu Públiku atu sau “autonomia no independénsia” ba poder lejislativa no ezekutivu, “hodi garante atuasaun isenta no lahó injerénsia”.

Hosi partisipante hirak ne’ebé halo parte, inklui mós prokuradoria jerál Repúblika (PJR) portugeza Joana Marques Vidal, ne’ebé lakohi fó deklarasaun kona-ba kazu ruma iha Portugal, no sira mós defende katak Ministériu Públiku tenke ho “autonomia finanseira” no sira mós reforsa katak ida ne’e depende ba diresaun efetiva hosi investigasaun kriminál.

Delegasaun sira desidi mós atu hametin mekanismu koperasaun jurídika no judisiária entre prokuradoria luzófona, no haktuir liu kona-ba nesesidade CPLP nian ne’ebé tenke hetan atensaun hosi “autoridade sentrál”.

Enkontru ne’ebé hala’o iha Sidade Prai desde segunda-feira liu ba, fahe ho tema neen: “Autonomia Ministériu Públiku", "Ministériu Públkua Jurisdisaun Sível", "Reforma Penál no Prosesuál Penál" ho "Kordenasaun ba Matéria Penál iha Espasu CPLP”.

Tema rua seluk maka “Kriminalidade Organizada ho Enfoke ba iha Lavajen Kapitál” no “Ministériu Públiku ba Jurisdisaun Famíli ho Menór”.

SAPO TL ho Lusa