Prezidente
Republika (PR), Taur Matan Ruak hateten, Segundu (II) forum
Comunidade dos Paises de Lingua Portuguesa (CPLP)
influensia mos ba sosiedade tomak.
“Buat
ne’ebe mak influensia husi CPLP ita bele hetan ou
ita bele alkansa ho partisipasaun ativa ho informasaun husi sosidade
sivil sira ho komunidade tomak,”esplika PR Taur Matan Ruak liu husi nia
diskursu wainhira abertura ba II Forum Sosidade Sivil CPLP iha salaun enkontru
Ministeriu Negosius Estranjeirus (MNE), Segunda (13/07/2015).
PR
Taur agradese espesialmente ba partisipante sira ne’ebe mak bele
partisipa iha II Forum sosidade Sivil ne’e, ne’ebe maka sei halao durante
loron hat, Segunda-Sesta (13-17/07/2015) hodi diskuti ba setor saude,
agrikultura, no edukasaun.
Kordenador
ba Apoiu Sosiedade Sivil Gabinete Primeiru Ministru Joaquim da
Costa Freitas ba Jornalista informa katak, forum ne’e
organiza husi Governu no gasta orsamento
Estadu ne’ebe mak aprova ona ho valor sete
sentus sinkuenta mil, maibe orsamentu ne’e uza sei la hotu.
Nia
hatutan, importante liu mak espansaun ida ne’e, Governu organiza
hodi konvida organijasaun sosiadade sivil hotu-hotu iha Timor Leste
nomos sira ne’ebe mak reprezentante husi membrus sosiadade sivil pais
CPLP nian atu partilha fahe sira nia esperensia ba malu relasiona
ho topiku ne’ebe mak iha ajenda laran.
“Ita
tau priodade iha area tolu, area edukasaun, saude no area
agrikultura,tanba area tolu ne’e mak espera katak, serbgisu ne’ebe
mak organijasaun sosiadade sivil halo dereitamente relasiona ba
komunidade I mos hare mos ba paepl sosiadade sivil ne’ebe mak serbisu besik liu
ba komunidade sira bele invove hodi hamneus kiak hadia nutrisaun, hadia
saude I mos hasae kapasidade sidaun nian hodi bele partisipa aktivu liu
iha dezenvolvimentu nasional,”esplika Joaquim da Costa Freitas.
Nia
espera katak, rezultadu husi forum ida ne’e sei konkordansia ruma ne’ebe
ita bele enkaisa iha sosiadade sivil iha amabitu CPLP.
Iha
parte seluk Reprezentante Sosiadade Sivil aktual Organizasaun Naun
Govermentais (ONG) Forum Arcenio Pereira hateten,
forum sosiadade sivil ne’e halo ba dala II ona no forum 1 forum
halo ona iha Brazil.
Nia
mos dehan, forum ida ne’e organiza husi Gavinete Primeiriu Ministru (GPM)
kordenador Geral do GPM apoiu sosiasdade Sivil ninian, maibe involvevimentu
forum, maibe forum ONG.
“Ami
involve organiza maibe hanesan sai nain ba forum ne’e lolos sira, tanba
ida mak dala barak maluk sira ONG sira husu tanba sa mak forum ne’e ita
nian, maibe ita la involve dereitamente, maibe iha semana ida ne’e nia laran
ami involve atu diskuti kona-ba tematiku balun ne’ebe mak iha, Agrikulrura
kona-ba divizaun liongua Portugues, Saude ho seluk tan, “dehan Arcenio
Pereira.
Ba
loron ikus husi forum, nia dehan, soidade sivil sira sei kualia kona-ba
estatuta forum ne’e rasik para depois instituinaliza forum ida ne’e
atu sai ambitu ba CPLP.
Importansia
Ba Saúde ho Edukasaun
II
Fórum CPLP ho tema “ O valor economic da Identidade Comum da Sociedade Civil da
CPLP” tau importansia ba setor tolu, kompostu husi setor saúde, edukasaun,
inklui agrikultura, tanba setór tolu ne’e mak besik liu komunidade.
Koordenadór
Asuntu Sosiedade Sivíl husi Gabinete Primeiru Ministru, Joaquim da Costa
Freitas mós hatete katak, fórum ne’e rasik sei produs konkordansia ruma iha
sosiedade sivíl iha ambitu CPLP.
“Ita
tau prioridade iha area tolu, edukasaun, saúde ho agrikultura, tanba área tolu
ne’e ita espera servisu ne’ebé mak organizasaun sosiedade sivíl halo
direitamente relasiona ba komunidade, hodi hamenus kiak,” dehan Joaquim da
Costa Freitas ba jornalista sira.
Nia
espera katak, fórum sosiedade sivíl CPLP ne’e, bele hadia nutrisaun, hadia
saúde familiar, inklui hasa’e kapasidade sidadaun nian, nune’e partisipa aktivu
iha prosesu dezenvolvimentu nasionál.
Iha
parte seluk Joaquim dehan, orsamentu ba atividade ne’e hamutuk rihun US$ 750.
Nia mós fiar katak, osan ne’e sei la uza hotu ba atividade sosiedade
sivíl CPLP nian.
Iha
loron primeiru enkontru sosiedade sivil CPLP ne’e, deskuti kona-ba valor
ekonómiku lian Portugues, no modúlu daruak sei koalia kona-ba boas pratikas
ensinu nian ba prezervasaun identidade cultural, ekonomia bem estar sosial
inklui inovasaun finanseira.
Iha
loron 14 forum sosiadade sivil ne’e, sira sei deskuti kona-ba benefisiu husi
parseru dezenvolvimentu sustentável, liu husi impaktu kultura lokál komunidade
nian, projetu sustentavel sosiedade sivil CPLP iha artikulasaun ba setór
emprezarial.
Entretantu
iha loron 15 fulan Jullu, forum sosiadade sivil CPLP ne’e, sei deskuti
kona-ba melloramentu kualidade saúde, prevensaun no prestasaun kuidadus
médikus.
Iha
loron 16, Sosiedade Sivíl sira sei deskuti agrikultura familiar, nutrisaun no
seguransa alimentar, deskuti mós kona-ba parserus entre projetu sustentável
Sosiedade Sivíl CPLP.
Loron
17 hanesan ultimo fórum ne’e sei deskuti estatutu Sosiedade Sivíl hafoin aprova
estatutu, no ensera fórum ne’e.
Estatutu
Seidauk Klaru
Enkontru
II Forum (CPLP) sei diskuti mós estatutu sosiadade sivil nasaun membru CPLP
nian, tanba estatutu to’o oras ne’e seidauk klaru.
Iha
II Forum ne’ebé Timor Leste mak sai uma nain ne’e, sosiadade sivil nasaun
membru CPLP tomak sei deskuti hodi halo aprovasaun ba estatu Sosiadade Sivil
CPLP nian.
Reprezentante
Sosiedade Sivíl, atual Diretór Ezekutivu FONGTIL Arsenio Pereira hatete katak,
iha diskusaun ne’e, kada sosiedade sivíl nasaun membru CPLP sei aprezenta
ninia temátika.
“Ami
sei deskuti estatutu ida ne’ebé ke atu regula kona-ba fórum sosiedade sivíl
CPLP nian, kuandu hot-hotu konkordansia ona para sai hanesan ambitu ba fórum
CPLP nian, tanba iha primeiru fórum iha Brazil ne’e, fó hanoin atu deskuti mas
la konsege, entaun iha segunda fórum ne’e espera katak, iha loron 17 bele
aprova estatutu ne’e,” esplika Arsenio Pereira.
Arsenio
dehan, esbosu ba estatutu ne’e halo tiha ona, no nia espera katak, sira
bele halo aprovasaun final iha loron ultimo forum Sosiedade Sivíl CPLP ne’e.
Iha
parte seluk, Koordenadór Asuntu Sosiedade Sivíl husi Gabinete Primeiru
Ministru, Joaquim da Costa Freitas mós informa katak, ho ida ne’e mak
ko’ordenador atividade fórum Sosiedade Sivíl ne’e, fó ona konvite ba
sosiedade sivíl Timor-oan sira kuaze atus ida resin.
Nia
esplika, husi konvite ne’e, hetan mós partisipa masimu husi sosiedade sivil
sira hanesan FONGTIL, Fundasaun Mahein, Asosiasaun Hak, Ajar, Belun, Fokupers,
Rede Feto, PERMATIL, no sira seluk.
Joaquim
da Costa Freitas hatutan, fórum ne’e importante ba sosiedade sivil CPLP sira,
tanba tau hanoin hamutuk hodi deskuti estatutu. Nia esklarese, fórum ne’e mós
sosiedade sivíl CPLP sira bele fahe esperiensia ba malu.
“Ita
sei partisipa ativu, molok deskuti estatutu ne’e, tanba estatutu sei deskuti
klean hafoin aprova,”afirma nia. avi/cos
Jornal
Nacional
Sem comentários:
Enviar um comentário