Fulan setembru folin tuun 0,1% iha Timor-Leste, maibé iha tinan kotuk aumenta ba 0,5%

Presu iha Timor-Leste tuun hosi fulan agostu to’o setembru ho 0,1%, kontinua hanesan iha fulan kotuk, bainhira tuun ba 0,2%, maibé iha fulan setembru tinan kotuk aumenta ba 0,5%. 

Karik hasai presu abitasaun ne’ebé iha tinan kotuk tuun ba 0,3%, maka ninia inflasaun anuál aumenta maka’as ba 0,9%, tuir dadus ne’ebé fó sai ohin.

Tuir dadus hosi Diresaun Nasionál Estatístika Ministériu Finansa hatudu katak presu iha fulan setembru afeta hosi folin alimentasaun, abitasaun no transporte ne’ebé tuun ba 0,1%, maski nune’e komponente hosi kabás kompra nian kontinua estável.

Bazeia ba termu omólogu ninia aumenta maka’as ba iha edukasaun (presu aumenta ba 18,6%), tuir maka roupa no kalsadu (sapatu/sinelu), álkool ho tabaku (liu 4,4%).

Tuun maka’as liu maka ba iha área transporte (-6,7%) no abitasaun (-0,3%).

SAPO TL ho Lusa