quinta-feira, 3 de agosto de 2017

Prezidente Filipina nian hatete katak líder Koreia-Norte hanesan maníaku

PARTILHAR
Prezidente Filipina nian, Rodrigo Duterte, hatete iha loron-kuarta ne'e katak líder Koreia-Norte, Kim Jong-Un, hanesan "maníaku" ida ne'ebé bele hamosu konfuzaun iha kontinente aziátiku bainhira provoka funu nuklear ida.

Duterte - polítiku ne'ebé koñesidu tanba uza liafuan groseiru sira maibé mós tanba impede polítika kontroversu sira - ko'alia iha antesipasaun hosi fórum rejional ida kona-ba seguransa ne'ebé sei halo iha semana ne'e iha kapital filipina, Manila, no sei hetan prezensa hosi ministru Negósiu Estranjeiru hosi rejimi Pyongyang nian.

Teste foun sira ho misil balístiku ne'ebé Koreia-Norte halo sei marka diskusaun sira hosi reuniaun rejional ne'e.


"Nia halimar ho brinkedu perigozu sira, bulak ne'e, labele fiar iha nia oin, iha oin kabur ho ár simpátiku ne'e", Prezidente filipinu, ho tinan 72, hatete iha deklarasaun sira ne'ebé transmiti hosi televizaun nasional.

"Maníaku ne'e (…), bainhira nia halo sala ida, Extremu Oriente bele muda sai hanesan rai maran ida. Ita tenki evita funu nuklear ne'e tanba bainhira hahú konflitu iha ne'e, entaun ita sei hetan konsekuénsia sira, iha nível rai, hosi rekursu sira. Ha'u la hatene ita sei sai oinsá. Ita labele kuda buat ne'ebé la'ós hanesan produtivu", afirma hosi Rodrigo Duterte, uza mós liafuan insultuozu hodi karakteriza líder norte-koreanu ne'e.

Dezde Kim Jong-Un kaer poder iha tinan 2011 nia rohan, Koreia-Norte aumenta nafatin nia programa nuklear ho balístiku.

Maski hosi kastigu sira ne'ebé fó hosi ONU, rejimi norte-koreanu ambisiona iha kapasidade nuklear no balístiku ida ne'ebé bele to'o iha Estadus Unidus.

Iha semana liubá, Pyongyang fó sai ona katak halo ona teste ida hosi misil balístiku interkontinental ida ho kapasidade to'o iha parte balun hosi kontinente amerikanu.

Sekretáriu Estadu norte-amerikanu, Rex Tillerson, ho nia homólogu xinés, Wang Yi, sei to'o mós iha semana ne'e iha Manila hodi partisipa iha fórum rejional ne'ebé organiza hosi Asosiasaun hosi Nasaun sira hosi Sudeste Aziátiku (ASEAN, iha sigla ho lian inglés).

Tuir projetu ida hosi rezolusaun ne'ebé maka ajénsia notísia franseza France Presse iha asesu, testu ne'ebé tenki adota iha fórum rejional nia rohan, ministru sira sei hatudu "preokupasaun maka'as" ida kona-ba teste balístiku norte-koreanu ne'ebé halo foin lalais ne'e.

SAPO TL ho Lusa
PARTILHAR

Author: verified_user

Publicação luso-timorense sem fins lucrativos

0 comentários: