Iha Lifau Timor Moris, Iha Lifau Timor Buras

Oecusse, Radio Liberdade Online -Komemorasaun tinan 500, Portuges tau ain iha Timor,  hahu intersaun sibijasaun Timor ho Portugal, e halo afirmasaun ba identidade Timor husi tinan 1515 e 2015, no selebrasaun tinan 40 Proklamasaun Independensia, alein halo Misa halo mos bensaun ba monumentu Bronje husi Amu Bispo Dom Basilio do Nasimento, iha loron 27/11/2015.

Iha loron no fatin hanesan, intrega mos monumentu Lifau husi Ministru Turismu Artes e Kultura ba Primeiru Ministru no PM kontinua intrega monument ne’e ba Presidenti Regiaun Espesial Oecusse.

Hafoin ne’e kontinua ho asina plaka husi Presidenti da Republika Taur Matan Ruak no Primeiru Ministru Rui Maria de Araujo e Presidenti Rejiaun Espesial Oecusse Mari Alkatiri, alien ne’e halao mos  lansamentu postal 500 anos.

PR hato’o parabeins ba povu Timor tomak liu husi nia deskursu katak, “Iha Lifau mak Timor Moris, no Iha Lifau mak Timor buras. Povu Lifau kontenti tamba husi imi mak Timor moris no ho imi mak Timor sei buras.”

Eventu ne’e partisipa husi Presidenti da Republika, Taur Matan Ruak, Presidenti Parlamentu Nasional no Deputadu sira,Presidenti Tribunal Rekursu, Primeiru Ministru, Presidenti ZEEMS, Eis Titulares, Ministru Interior Mozambique, Ministru Reprejentante Sao Tome Prinsipe, Sekertariu Ezekutivu CPLP Dom Duarte Nuno de Bragansa, Reprejentante Nasaun Unidas, Embaixadores, Komunidade F-FDTL no PNTL, Bispo Iwan Arse husi Rumenia, Padre Dioseje Kupang no Atambua, Padre Li husi Malaka.

Misionariu Dominikanu Antonio Taveiru, ema permeiru estabelese misaun Khatolika iha Timor.

Radio Liberdade Dili