Deputada Albina :“Hateke ba Pasadu, Haríi Prezenti ne’ebe Nakonu Domin no Paz”

Viqueque, Radioliberdadeonline -  Sekretaria de Estudo Para o Apoio Promoção Socio-Económica da Mulher (SEM) kuarta feira 25/11/2015  halao kampanha ativismu kontra violensia hasoru feto ba dala 16  iha Munisipui Viqueque postu Administrativu watulari suku Matahoi.

Reprezentante SEM,  Filomena Martins, informa ba Jornalista sira katak , objetivu husi kampaña ativismu violensia kontra hasoru feto ne’e  hasa’e ema nia konsensia atu nune’e bele reduz hahalok Violensia Domestika no Violensia bazeia ba Jeneru iha Timor-Leste.
Reprezentante SEM akresenta liu tan, semana ida ne’e guvernu liu husi  SEM  kontinua hala’o sosializasaun lei kontra Violensia Domestika iha Munisipiu Viqueque Postu Administrativu, Watucarbau, no Ossu.

Iha fatin hanesan reprezentate povu iha uma fukun Parlamentu Nasional,  Deputada Albina Marçal,  deklara ho selebrasaun loron ativismu  kontra violensia hasoru Feto ne’e, lori ema hotu  halo reflesaun ba tempu pasadu saida mak feto maluk sira kontribui ona ba rai doben ida ne’e .

“komemorasaun ne’e lori ita ba lembra fila fali tempu pasadu, saida mak ita nia feto maluk sira halo ona hodi kontribui ba rai doben ida ne’e,liliu  sira nia kontribuisaun ba prosesu ukun rasik-an, ita nia sira ne’ebe sei moris sai sasin ba sira nia esforsu bo’ot ida ne’e, hateke ba pasadu hodi harií prezenti ida ne’ebe nakonu ho domin , nakonun ho paz ba ita nia rai ida ne’e” Tenik Deputada Albina Marçal.

Iha parte seluk, Administrador Munisipiu   Viqueque,  Gregorio Enrique, esklarese  wanihira koalia konaba direitu feto, Postu Administrativu Watular, feto  sempre hamriik iha mane nia sorin hodi luta kontra inimigu sira, hodi kontribui ba prosesu konstrusaun Estadu ida ne’e.

Entertantu iha komemorasaun ne’e hetan partisipasaun masimu husi komunidade inklui lideransa komunitariu no hetan siguransa husi Polisia Nasional Timor –Leste (PNTL).

Rádio Liberdade Dili -  Eskritor : Januario Texeira