Xefe
Estadu horisehik fó omenajen ba reprezentante hosi grupu 28 sidadaun timoroan
sira nian ne’ebé iha tinan hirak ikus ne’e iha luta kontra okupasaun
indenézia, entre 1991 no 1999 subar no proteje líder rezisténsia sira.
Taur
Matan Ruak entrega medalla Orden Timor-Leste nian ba reprezentante hosi grupu
sira ne’ebé, ho risku boot subar nia nolíder rezisténsia sira seluk- Xanana
Gusmão, Mau Hunu, David Alex, Konis Santana ka Lu-Olo, no sira seluk.
Omenajen
ida ba “erói anónimu sira” ne’ebé fó risku ba vida rasik hodi manifesta
“espíritu patriotizmu”, no proteje líder sira iha sira-nia uma, abrigu
subterráneu, kintál no fatin sira seluk, uitoan ba nasaun tomak.
"Kontributu
signifikativu ida", destaka Prezidente Repúblika iha dekretu ne’ebé aprova
kondekorasaun sira, hosi ida ne’ebé "ajuda proteje líder rezisténsia
sira" .
Hanesan
pontu aas ida mós hosi serimónia sira ne’ebé horisehik, iha kampu Palaban iha
kapitál enklave Oekusi, komemora tinan 40 proklamasaun unilaterál hosi
independénsia Timor-Leste nian, testu ne’ebé horisehik lee hikas hosi fundadór
nasaun nian ida mós, Mari Alkatiri.
Taur
Matan Ruak prezide serimónia hasa’e bandeira ho parada ida mak lidera hosi
tenente-koronel infantaria Haksolok no kompostu hosi kompañia ida-idak hosi
komponente terrestre, navál no apoiu no servisu Forsa Defeza Timor-Leste nian
(F-FDTL) no pelotaun Polísia nasionál nian ida (PNTL), operasaun espesiál,
orden públika no patrullamentu fronteira.
Partisipa
mós hosi elementu seguransa sivíl, bombeiru no eskuteiru sira no grupu
responsável ba guarda bandeira tolu: ida ho joven estudante 28 hosi eskola
sekundária hosi munisípiu 12, ida seluk ho elementu 40 no ida ikus ho
ekipa guarda bandeira.
Iha
farda militár kór-matak-kastaña sira-nia sorin, grupu hirak ne’e hatais mutin,
ho estudante sira hatais tais tradisionál kór-azúl, mean no matak.
Lian
inu nasionál nian, interpreta hosi banda múzika F-FDTL nian, bandeira
Timor-Leste sa’e iha bandeira-rin mak harii iha tribuna onra nia oin, iha
ne’ebé iha prinsipál individualidade timoroan sira no konvidadu internasionál
sira, inklui prezidente Tribunál Konstitusionál, Joaquim de Sousa Ribeiro,
reprezentante hosi Estadu portugés.
Iha
nia diskursu, Taur Matan Ruak, defende katak Estadu tenke reforsa nia servisu
ba sidadaun sira, liu-liu iha área esensiál sira hanesan saúde ka edukasaun.
Estadu
tenke sai efikás no efisiente, "tenke uza rekursu sira ho forma
rasionál" no dezenvolvimentu "tenke sai hosi Dili no bá distritu
sira", ho polu dezenvolvimentu ne’ebé atrai investimentu nasionál no
estranjeiru ba esensiál prosesu diversifikasaun ekonómika.
Hanesan
ezemplu nia destaka progresu iha enklave Oekusi, iha ne’ebé responsável sira
autoridade rejionál nian no Governu sentrál kria hela zona ekonómika eskluziva.
Nia
hatete katak unidade, pás no estabilidade hanesan "kondisaun importantes
ba dezenvolvimentu no konsolidasaun ba Estadu" tanba ne’e presiza
kolaborasaun ema hotu nian iha prosesu dezenvolvimentu nasaun nian.
Xefe
Estadu ne’e apela mós ba sidadaun no família sira atu ativu iha konstrusaun
Estadu, buka atu ba ekola no hetan formasaun hodi ajuda gerar importante
ekonomia familiár.
Taur
Matan Ruak halo referénsia ba líder timoroan sira, entre sira ne’e nia destaka
Mari Alkatiri no José Ramos-Horta, sobrevivente hosi primeiru Governu ne’ebé
simu pose iha tinan 40 liubá, no "memória hosi mártir nasionalista
sira" ne’ebé halo "sakrifísiu boot iha luta ba libertasaun
Timor-Leste nian".
Nia
hatete katak sira ne’e mak veteranu sira hosi frente armada, klandestina no
diplomátika, ne’ebé "fó ezemplu ba nasaun" no ne’ebé ohin loron
"kontinua inspira" timoroan sira, ho "korajen no
dignidade".
Taur
Matan Ruak refere ba tinan 500 kontaktu entre portugés ho timoroan sira no
papél igreja katólika nian, ne’ebé fó sai iha marka identidade timoroa nian,
ohin loron sai "membru família boot ida nian iha kontinente haat".
SAPO
TL ho Lusa - Foto: Prezidénsia Repúblika
Sem comentários:
Enviar um comentário