quinta-feira, 5 de novembro de 2015

POVU NIA NESEDIDADES LAOS AVIAUN


Diretur executivo Luta Hamutuk (LH) Mericio Akara konsidera Governu Timor Leste hola aviaun sedu liu, tanba kondisaun moris povu nian laos presija aviaun no aviaun mos laos nesesidade povu nian, maibe povu presija mak estrada diak, ahi tama sai uma no fasilidade eskola ho saude mak sai nesesidade importante atu atende urjenti.

‘’Povu presija duni transporte, maibe transporte ne’ebe ho folin baratu ne’e, tanba transporte ho folin karun hanesan aviaun ho ro ne’e konserteza povu kik sira la sae, tanba osan la iha, ema riku sira mak sae deit,’’ dehan Mericio ba JNDiario iha nia knar fatin Farol, Kuarta (04/11/2015).

Akara hatete, kondisaun moris povu nian kontradis tebes ho aviaun ne’ebe Governu sosa I Akara mos konsidera manutensaun ba aviaun mos konserteza karun tebes no lahatene orsamentu manutenasaun atu foti husi ne’ebe Governu bele foti risku bot hanesan ne’e. I aviaun ne’e mos sei la fo reseitas ba Timor Leste, tanba ema ladun sae, ema ne’ebe mak riku no osan iha mak sae deit.

‘’Ita husu deit prezidente ZEEMS Mari Alkatiri mak hatene, kona ba aban bain rua manutenasaun ne’e oinsa no sira halo estudu ruma ka lae hola aviaun ne’e, tanba bainhira hola aviaun ne’e tenki halo estudu biavilidade loron ida ema tenki sae sira, kustu manutenasaun hira ne’e ita la hatene, derepenti deit aviaun foun ona, derepenti deit hola ro foun, ida ne’e husu ba prezidente ZEEMS, labele hatene hola deit depois aban bainrua ita mak simu konsikuensia manutensaun karun,’’ koalia Akara.

Iha fatin seluk vise Ministru Obras Publikas Transportes e Komunikasaun (MOPTK) Inacio Moreira hatete, se agora mak nasaun Timor Leste seidauk hola aviaun bainhira tan, maske Timor Leste nasaun kik, maibe tenki tenta koko ona, tanba ho buat kik ne’e bele ba bot ona. nia

Jornal Nacional

Sem comentários: