Orsamentu Aloka ba ZEESM, Sosiedade Barak Lakomprende

DILI - Orsamentu Zeral Estadu neebe aloka ba Zona Ekonomia Especial Social Merkadu (ZEESM) Oecusse no Atauro, soseidade barak la komprende tamba orsamentu neebe mak aloka laos ba infrastrutura deit.

Tuir Deputada Bankada Fretilin Josefa Pereira katak ema barak ladun komprende konaba Zona Ekonomia Espesial Social Merkadu, liu-liu konaba osan tamba sira hanoin orsamentu neebe mak iha ba infrastrutura deit ho total orsamentu millaun 217.

Hau hatete ema barak la komprende konaba ZEESM liu-liu kona ba osan, ema hanoin orsamentu nee ba Infrastrutura mak millaun 217,  maibe orsamentu nee balun tama iha salariu vensimentu, Bens I servisu, capital menor, kapital dezemvolvimentu, fundu transferensia,” dehan Josefa ba Jornalista, Sesta (15/01/2016) iha PN.

Nia hatete rejiaun ida mak uza deit millaun 217 nee kakutak lajoga duni kuandu rai ona rejiaun ida iha autonomia rasik, maibe nia parte rekoinese infrastrutura seluk hanesan eskola, Saude, klinika asuntu impoortante duni maibe labele hare dala ida deit.

Iha fatin hanesan Deputadu Bankada CNRT Arao Noe hatete reseita husi ZEESM iha tinan 2015 hetan reseita millaun 3 deklarasaun husi autoridade ZEESM, durante debate Orsamentu Jeral Estadu 2016.

Nunee mos deputadu Bankada PD Paulino Monteiro hatete Projetu ZEEMS halo ajudikasaun sein fronteira, sei hamosu lalaok neebe husi inisiu lao ladun diak tamba projetu boot tebes  zere ladun susesu impaktu sei ladiak liu-liu ba kualidade no mal gastus. Informasaun kompletu iha STL Jornal no STL Web, edisaun Sabado (16/1/2016). Timotio Gusmao

Suara Timor Lorosae