PARTISIPASAUN FETO IHA POLITIKA POZITIVU

Directora Fundasaun Caucus, Paula Cortereal de Araujo hateten partisipasaun feto iha vida politika nian komesa avansadu, tanba agora daudaun feto mos komesa kompete iha eleisaun xefi Sucu iha tinan ne’e.

“Tuir ha’u nia hare katak partisipasaun feto iha area politika nian komesa avansadu ona, tanba feto barak maka tur ona iha Parlamentu Nasional (PN) bele dehan atinji ona 35% i sira mos partisipa hodi kandidata a’an iha eleisaun xefi Sucu tinan oin,”hateten Paula Cortereal de Araujo, ba JN-Diario iha ninia servisu fatin, Caicoli Dili, Kinta (18/2/2016).

Paula Araujo akresenta katak, tuir dadus ne’ebe iha partisipasaun feto iha tinan ne’e a’as tebes liu-liu simu knar nudar xefi Sucu no Aldeia hodi kompete iha eleisaun xefi sucu tinan oin.

“Tuir dadus ne’ebe iha partisipasaun feto iha tinan ne’e 2016 a’as tebes, tanba feto sira iha ona barani hodi kandidata a’an nudar xefi Sucu no Aldeia hodi kompete iha eleisaun tuir mai i agora daudaun kada sucu iha feto ida maka kandidata a’an,”dehan Paula Cortereal.

Paula Araujo esplika liu tan katak, Caucus sei halo nafatin sosializasaun hodi fo kapasitasaun ba feto maluk sira, tanba sira presiza hetan asistensia ho nune’e bele preparadu didiak, hametin sira nia komitmentu atu labele tauk kompete ho mane iha kualker pozisaun. Ita

Jornal Nacional