Veteranus Sei Apoiu Demostrasaun Hasoru Australia

DILI – Preparasaun ba demostrasaun neebe mak halo iha semana oin hasoru governu Australia oras nee atinji ona 90% no iha demostrasaun nee sei hetan mos apoiu husi veteranus sira, inklui mos estudante no sidadaun babain.

Informasaun ne fo sai husi responsabel Movimentu Kontra Okupasaun Tasi Timor, Juvinal Dias, ba jornalista sira iha ninia servisu fatin Vila Verde, Sesta (19/02/2016).

Demostrasaun nee sei halo iha loron 23 semana oin iha embaisada Australia nix oin hodi hatoo aspirasaun povu Timor Leste nian konaba Tasi Timor no perparasaun nee besik ona 90% no movimentu nee hetan mos apoiu husi veteranus sira neebe sei mai husi municipiu 12 inklui Dili nomos estudante universitariu, ativista nomos nakloke ba ema hotu,” dehan Juvinal.

Nia hatutan asaun demostrasaun nee sei halo durante loron Ida nia laran maibe sei iha ninia kontinuasaun too hetan resposta positivu husi Australia, tanba durante nee Asutralia neebe mak hanesan nasaun bot kontinua hanehan TL.

Nunee mos Diretor Asosiasaun HAK, Manuel Monteiro, hatete iha loron 23 Fevereiru, sei iha asaun pasífiku hasoru governu Austrália hanesan parte ida hodi hanoin hikas fila fali iha tinan 10 liu ba, bainhira asina akordu Certain Maritime Arrangement in the Timor Sea (CMATS) iha Palásiu Governu-Dili tanba iha tinan 10 liu ba (23/02/2006), governu Timor-Leste no Austrália asina akordu ida kona-ba CMATS.

Nunee Akademiku, Flaviano Pereira, mos hatete iha demostrasaun nee husi parte akademiku sei fo apoiu masimu hodi kontinua ejiji ba Asutralia, atu hahu ona halo dialogu ho TL konaba fronteira martima neebe mak too oras nee seidauk iha solusaun. Informasaun kompletu iha STL Jornal no STL Web, edisaun Sabado (20/2/2016). Thomas Sanches

Suara Timor Lorosae