PM Husu Komisaun Homenajen Servisu Ho Responsabilidade

DILI – Primeiru Ministru Rui Maria de Araujo husu komisaun homenajen atu servisu ho professional, hodi rejolve problema veteranus neebe mak too ohin loron seidauk rejolve hotu.

Mensajen nee PM Rui fo sai liu husi deskursu wainhira remata fo tomada de pose ba komisariu homenajen, Municipiu Ainaro nomos Ermera iha Palacio Governu, Sesta (26/02/2016).

Komisaun Homenajen iha kompetensia neebe mak bot tebes neebe mak sei halo servisu atu deside konaba rejistu no rekursu tanba nee husu atu halao kompetensia sira nee ho responsabilidade, injensaun nomos ho rigor nee signifika katak ita persija verefika dadus sira nee los ona ga lae, liu-liu ba ema sira neebe mak halo rejistu,” dehan PM Rui.

Nia hatutan servisu komisaun homenajen laos servisu neebe mak fasil tanba nee hakarak ga lakohi tenke hases an husi intrese privadu no servisu tuir lei neebe mak iha. Laos nee deit nia mos husu ba membru komisaun homenajen atu servisu ho imparsialidade labele hare ba familia uma laran.

Iha fatin hanesan Membru Komisariu Komisaun Homenajen Ainaro, Ventura de Araujo alias Labok, hatete ho kargu foun neebe mak fo husi governu nee nia sei servi liu-liu atu rejolve problema veteranus nian neebe mak too ohin loron seidauk rejolve.

Nunee mos ho Komisariu Komisaun Homenajen Municipiu Ermera, Joao de Jesus Soares Varela, hatete problema neebe mak sira sei tau atensaun depois hetan tomada de pose mak sei hare dadus veteranus nian, liu-liu iha tinan 2003 too 2005 neebe mak sei pendenti too ohin loron. Informasaun kompletu iha STL jornal no STL Web, edisaun Sabado (27/2/2016). Thomas Sanches

Suara Timor Lorosae