PR Nomeia Paixao Ba Komadante F-FDTL, Lere: “Laos Husu Hau, Husu Lei Nia Hakarak”

DILI - Xefi Estadu Maior Jeneral F-FDTL Lere Anan Timur hateten konaba desizaun Prezidente Republika (PR) Taur Matan Ruak, nebe nomeia Brigadeiru Jeneral Filomeino Paixao, ba Komadante F-FDTL, laos husu ba nia, maibe  husu  lei nia hakarak.

Lia hirak nee hatoo husi Xefi Estadu Maior Jeneral Lere, ba Jornalista sira hafoin remata enkontru ho PR Taur Matan Ruak, iha Palasiu Prezidensial, Aitarak Laran, Dili, Sesta (12/02/2016).

Hau uluk funu ema ida la husu hau, katak o hakarak halo funu ka la kohi halo funu, nee lei ida la iha, entau ho ita nia nasionalismu no dever obrigasaun nudar Timor oan. Agora estadu no nasaun indepedensia, ita iha lei no regras, laos husu hakarak, maibe husu lei nia hakarak, se lei dehan katak fo dalan rezigna, se la fo dalan tenki pasensia nee maka servi,” hateten Lere.

Nia hatutan konaba mandatu, sira koalia oituan, tamba buat hotu-hotu nee desizaun husi governu no desizaun husi orgaun neebe kompotente neebe deside ba buat sira nee. Tamba iha TL sempre iha interdepedensia orgaun, depois ida-ida nia kompetensia, tamba nee sira ohin koalia buat nee oituan, neduni hein deit rezultadu, neebe aban bainru sei fo sai.

Lere salenta liu tan katak  agora nia halo ona 64 anus, tama ona ba tempu reforma ninia, maibe tenki tuir prosedementu, regras no legalidade para ema dehan TL mos nasaun ida iha nia regras. Informasaun kompletu iha STL jornal no STl web, edisaun (13/2/2016). Joao Anibal

Suara Timor Lorosae