Seidauk Asesu Eletrisidade, Povu Ameasa La Tuir Elisaun 2017

DILI - Povu balun Ameasa la partisipa iha elisaun Jeral 2017 tamba seidauk asesu eletrisidade, maske povu ejiji maibe too agora governu no estadu seidauk rejolve problema neebe mak sira hasoru.

Tuir Deputadu Bankada PD Adriano Joao katak komunidade iha fronteira too agora seidauk asesu ba eletrisidade, no sira konsidera governu halo diskriminasaun entre povu iha Timor Leste.

Ita nia komunidade iha fronteira la hetan eletrisidade tamba nee sira konsidera governu hamosu diskriminasaun, no sira ameasa sei la partisipa iha elisaun jeral 2017 tamba governu bosok sira,” dehan Adriano liu husi sesaun Plenaria, Tersa (09/02/2016) iha PN.

Nia hatete povu iha fronteira barak mak seidauk asesu ba eletrisidade no sira hare Indonesia sira ahi lakan, maibe Timor Leste sei moris iha nakukun laran tamba nee sira husu ba governu atu fo atensaun.

Iha fatin hanesan deputada Jacinta Pereira hatete eletrisidade neebe mak iha area fronteira nian, liu-liu suku-suku neebe mak seidauk lakan hein katak iha tinan ida nee tama hotu ona identifikasaun husi Ministeriu Obras Publika nian.

Nunee mos deputadu Manuel Castro hatete povu barak mak seidauk asesu eletrisidade, nee failasu governu iha identifikasaun liu-liu povu neebe maka seidauk asesu eletrisidade. Informasaun kompletu iha STL Jornal no STL Web, edisaun Kuarta (10/2/2016). Timotio Gusmao

Suara Timor Lorosae