DILI –
Povu Timor Leste lakohi iha polisiamentu ida neebe ho modelu violentu,
Invizivel no parsial maibe povu hakarak mak iha polisia neebe ho modelu
vizibilidade, involvimentu no profesionalismu.
Deklarasaun
nee fo sai husi Primeiru Ministru (PM), Rui Maria de Araujo, liu husi deskursu
wainhira partisipa iha serimonia aniversariu PNTL ba dala XVI, neebe mak
selebra iha Centru Formasaun Polisia Comoro, Segunda (28/03/2016).
Ita
nia planu estratejiku PNTL, hakarak hamosu modelu polisamentu VIP katak
vizibiliade polisia nian iha komonidade nia let, hodi nunee komoniade bele
sente seguru, involvimentu komunidade atu ita bele sente katak komoniade rasik
hola parte iha siguransa no profesionalismu polisia nian nee ita bele sukat
husi komonidade nia sastifasaun, tanba nee hau fiar katak ita hotu lakohi
modelu polisiamentu ida neebe violentu, invizivel no Parsial,” dehan PM Rui.
Xefi
Governu nee hatutan tan katak aproveita oportunidade ida nee dezafia komando
jeral, komando unidades, komando servisu nomos komando municipiu sira hotu atu
reforsa kapasidade atu reforsa ida-ida nian abilidade komandu nian hodi
implementa duni modelu polisiamentu ida neebe visibilidade, involvimentu no
profesionalismu.
Iha
fatin hanesan Komandante Jeral Polisia Nasional Timor Leste (PNTL) Komisariu,
Julio da Costa Hornai hatete komando jeral sei la tolera hahalok membru polisia
neebe mak brutalismu hodi halo tauk povu.
Nunee
mos ho Vise Prezidente PN, Aderito Hugo, hatete fiar katak ho idade 16 nee
Polisia Nasional Timor Leste (PNTL) bele ona servisu ho profesionalismu liu tan
hodi servi povu tomak iha rai ida nee. Informasaun kompletu
iha STL Jornal no STL Web, edisaun Tersa (29/3/2016). Thomas Sanches
Suara Timor Lorosae
1 comentário:
Sr PM, filosofia policiamentu komunitariu so bele realiza, bainhira la overlaping ho doutrina militarismu GNR nian nebe maka oras ne halo konfuzaun hela iha PNTL!! GNR sira la husik atu filosofia ne bele desenvolve ho diak, tamba sira mos kontinua hela fortimente introdus sira nian, tan sira hatene se husik deit, sira sei lakon tereno iha TL!!
Nusa maka to tinan barak ona, instrutor basiku iha academia policia TL, tenki kontinua fo ba GNR sira, padahal Timoroan barak mos bele ona, maibe sira kontinua terinetik, atu rai nain labele halao knaar hanesan instrutor!!
Favor nai ulun sira hare didiak buat sira, se lae ita hasai osan barak hodi fo han saugate deit malae sira, tan oras ne sira mos enfrenta hela krize, sira mai buka fali moris iha TL.
Instrutor Timoroan mos bele ona, favor fo fatin.......no revee fali koperasaun ho GNR.....selae...ita kontinua hare policia nia atitude hanesan bandido nafatin....tamba malae sira hakrak ita atu kontinua konfusaun, atu nune sira bele kontinua mai domina ita......
Enviar um comentário