DILI –
Eis Komandante Jeral Polisia Nasional Timor Leste (PNTL), Longuinhos Monteiro,
no Eis Segundu Komandante Jeral, Afonso de Jesus, simu kondekorasaun Ordem
Timor Leste husi Prezidente Republika.
Kondekorasaun
Ordem Timor Leste nee intrega direita husi Primeiru Ministru, Rui Maria de
Araujo, liu husi serimonia Aniversariu Polisia Nasional Timor Leste (PNTL) ba
dala XVI neebe maka selebra iha Centro formasaun Polisia Comoro (28/03/2016).
Tuir
primeiru Ministru Rui Maria de Araujo wainhira remata intrega kondekorasaun liu
husi nia deskursu hatete kondekorasaun neebe estadu fo tanba lideransa nain rua
nee hatudu ona servisu neebe diak tebes durante mandatu.
Hau
nia agradesementu ba Ministru Interior Longuinhos Monteiro no Dotor Afonso de
Jesus neebe foin hetan investidura ho medala ordem Timor Leste nian nudar
kondekorasaun husi Prezidente Republika. Ita boot nain rua nia dezempenu,
espritu misaun, dedikasaun no profesionalismu nudar komandante jeral PNTL, knar
neebe iha responsabilidade bot tebes fo ona kontinuidade hodi kumpri propozitu
PNTL nian hodi hodi tau matan no responsabilidade boot ba ema hotu no nasaun,”
dehan PM Rui.
Nia
hatutan hanesan ema hotu hatene PNTL iha papel fundamental iha prosesu hatur
orden no proteje Timor oan sira, sidadaun en jeral no estadu rasik iha iha
nivel hotu-hotu tanba nee tuir PM Rui katak ezersisiu kompetensia hirak nee
esensial tebes hodi bele hari estadu demokratiku ida, no tanba nee mak
fundamental mos prosesu reforma institusional neebe halo tiha ona no sei
nafatin halo maske laos lalais nomos laos fasil.
Iha
fatin hanesan Eis Segundu Komandante Jeral PNTL Komisariu, Afonso de Jesus,
hatete orgullu boot wainhira simu medalla kondekorasaun ordem Timor Leste husi
Prezidente Republika, tanba rekuinese servisu neebe mak sira halo durante nee. Informasaun
kompletu iha STL Jornal no STL Web, edisaun Tersa (29/3/2016). Thomas
Sanches
Suara Timor Lorosae
Sem comentários:
Enviar um comentário