DILI -
Reprezentante Povu iha uma fukun Parlamentu Nasional (PN) too oras nee seidauk
halo debate apoiu vizita Prezidente Republika Taur Matan Ruak ba iha Japaun,
tamba la priense korum laos vingansa Politika.
Tuir Xefi Bankada
CNRT Natalino dos Santos katak iha plenaria la konsege priense korum, nee mos
prosesu ida tamba iha problema seluk neebe mak Presiza revolve hotu mak hare,
tamba Prezidente Republika sei halao viazen iha loron 12 Marsu.
Atu halo debate ba
viazen Prezidente Republika ba iha Japaun korum la too nee laos vingansa
politika, maibe aktu neebe normal lao iha Parlamentu,” dehan Natalino ba
Jornalista, Kuarta (02/03/2016) iha PN.
Nia hatete PN sei
iha tempu hodi fo autorizasaun ba Prezidente Republika (PR) hodi halo viazen
estadu ba iha Japaun.
Iha fatin hanesan
deputada Bankada Fretilin Josefa Pereira hatete viazen PR nian importante maibe
tenki hare mos korum, kuandu laiha Parlamentu labele aprova, tan nee Xefi
Bankada sira sei tur hamutuk ho Prezidente mak hare fila fali.
Nune mos deputadu
Bankada PD Virgilio Hornai hatete PN too agora seidauk halo fila fali debate
hodi fo votus apoiu ba viazen PR Taur Matan Ruak tamba seidauk iha Ajenda.
Informasaun kompletu iha STL Jornal no STL Web, edisaun Kinta (3/3/2016). Timotio
Gusmao
Suara
Timor lorosae
Sem comentários:
Enviar um comentário