quarta-feira, 27 de abril de 2016

Governu Kontinua Mantein Ho Lere Anan Timur


DILI – Sestu Governu Konstitusional kontinua mantein nafatin ho Maijor Jeneral F-FDTL, Lere Anan Timur, atu kontinua lidera institusaun F-FDTL too mandatu remata.

Deklarasaun nee fo sai husi Ministru Defeza, Cirilo Cristovao, ba jornalista sira iha Palacio Governu, wainhira remata enkontru Konsellu Ministru, Tersa (26/04/2016).

Proposta husi Governu nian ida deit mak primeiru obsaun estende nafatin Lere, Meno no Falur, sigundu obsaun ho rejerva nee mak tau Pedro Klamar Fuik ho Koliati mais governu nia preferensia mak nee tau nafatin Jeneral Lere, Meno no Falur hodi asegura lai prosesu tranzisaun nee ba oin,” dehan Cirilo.

Nia hatutan seidauk hatene lolos konaba tomada de pose Komandate F-FDTL foun, so desizaun nee Prezidente dekreta ona iha dekreitu Prezidensial maka foin organija tomada de pose, tanba nee persija legalidade.

Konaba karta neebe mak hatoo husi Maijor Jeneral F-FDTL, Lere Anan Timur, ba Prezidente da Republika, Taur Matan Ruak, tuir Cirilo governu hatene tanba hanesan Falintil Veteranus ativu nee direitu sira nian. Informasaun kompletu iha STL Jornal no STL Web, edisaun Kuarta (27/4/2016). Thomas Sanches/Joao Anibal

Suara Timor Lorosae

Sem comentários: