Relatóriu
ida hosi Fundu ONU nian ba Infánsia (Unicef) hatudu katak labarik saun-tomense
70% resin hanesan kiak no "hatudu frajilidade maka'as relasionadu ho
situasaun protesaun sosial nian".
Dokumentu
ne'e fó sai hosi reprezentante adjuntu Unicef nian ba São Tomé & Prínsipe,
Ainhoa Jaureguieitia, iha loron-kinta ne'e ne'ebé avansa ona ho aspetu tolu
hosi dokumentu ne'e hanesan ida ne'ebé "preokupante tebes".
"Ida
uluk maka protesaun hosi labarik sira hasoru violénsia, abuzu seksual,
neglijénsia, abandonu no serbisu infantil. Ida daruak maka aspetu saneamentu
nian. Labarik barak ho sira nia família sei halo sira nia nesesidade iha ár
livre no aspetu ida seluk maka área nutrisaun nian. Iha nível ida anemia ne'ebé
aas tebes", hatete hosi Ainhoa Jaureguieitia.
Relatóriu
hosi Unicef ne'ebé analiza situasaun hosi labarik sira iha São Tomé &
Prínsipe no produz iha tinan lima nia laran, estabelese mós diferensa entre
labarik sira hosi rejiaun oioin iha nasaun no númeru hosi agregadu sira família
nian.
Tanba
pertinénsia hosi situasaun ne'e, ajénsia ONU nian hakarak organiza debate ida
ne'ebé envolve reprezentante sira hosi sosiedade sivil, governante sira no
populasaun rasik.
Unicef
fiak katak bele hetan "di'ak ida" ba kuadru foun "liuhosi
kordenasaun multisetorial ida ho envolvimentu hosi ministériu sira, sosiedade
sivil, nasaun, komunidade no família sira".
"Ami
hakarak bolu atensaun ba ema sira ho informasaun loloos katak ita tenki hetan
solusaun ida ba problema labarik sira nian", hatete hosi reprezentante
Unicef nian.
Iha
São Tomé & Prínsipe labarik sira reprezenta 50% resin hos populasaun rihun
187.
Governu
rekoñese katak "sei iha buat barak atu halo hodi garanti di'ak direitu ba
labarik sira, hodi fó ba sira kondisaun sira hodi bele halo parte pozitivu iha
prosesu dezenvolvimentu ekonómiku no sosial hosi nasaun".
Serimónia
aprezentasaun relatóriu ne'e hetan prezensa hosi ministru Ekonomia no
Koperasaun Internasional, Agostinho Fernandes, ne'ebé hatete katak labele iha
sala "iha terapia hosi problema sira ne'ebé sei hamosu problema" ba
labarik saun-tomense sira, hodi labele halo fali sala hodi konserta esforsu
tomak iha efeitu sira ne'e no haluha tiha "kauza loloos sira".
"Disponibilidade
boot hosi informasaun sira ne'ebé ohin loron iha kona-bá situasaun hosi labarik
sira iha São Tomé & Prínsipe, mosu hosi estudu no inkéritu oioin ne'ebé
hala'o iha tinan hirak ikus ne'e, oferese ba polítiku sira oportunidade boot
reflesaun nian no hodi hili solusaun sira ne'ebé adekuadu ho projetu sira hosi
Konvensaun kona-bá Direitu sira Labarik nian", hatete hosi governante
ne'e.
SAPO
TL ho Lusa
Sem comentários:
Enviar um comentário