Primeiru-ministru
afirma horisehik, iha Bruxelas, katak kompriende preokupasaun funsionáriu sira
Timor Telecom (TT) nian, maibé justifika desizaun Governu nian hodi mantein nia
kuota iha empreza ho kestaun "konsisténsia iha opsaun polítika".
"Ha’u
kompriende preokupasaun, maibé desizaun ne’e tenke haree ba globalidade fatór
sira-nian", tenik Rui Maria Araújo, ba ajénsia Lusa, no lembra desizaun
nasaun nian hodi liberaliza setór ne’e, tanba "laiha sentidu agora Governu
deside sai maiór asionista" no redús fatin ba konkorrénsia.
Governante ne’e refere katak haree hela ba "kestaun konsisténsia iha opsaun polítika no lembra katak ezekutivu sei "mantein ativu" hanesan asionista, hodi detein kapitál besik pursentu 21 iha empreza telekomunikasaun ne’e.
Desizaun Governu nian hodi la sosa parte Oi nian iha TT hetan lamentasaun hosi responsável timoroan sira empreza nian dezena rua resin, ne’ebé haruka karta ba primeiru-ministru.
Iha karta signatáriu 23 espresa "lamentasaun no deskontentamentu ho prosesu no rezultadu negosiasaun" kona-ba asauna Oi nian iha TT, hafoin kontaktu durante tinan-ida ho balun, sira hatete, katak "hamosu esperansa iha kolaboradór timoroan sira".
Responsável sira lamenta tanba lako’alia iha prosesu ne’e, hatudu katak operadór rua seluk lakumpre lei sira iha setór telekomunikasaun no konsidera katak sai alvu ba "konkorrénsia la leál" hosi parte indonézia Telkomcel no vietnamita Telemor.
Xefe Ezekutivu hakotu ba horisehik ba Lusa, kona-ba desizaun governamentál, katak "ideál ba ambiente liberalizasaun merkadu, ne’ebé pretende kuda iha setór ne’e, katak nakloke, karik atuál asionista lakohi kontinua, negosiasaun ho sira seluk ne’ebé hakarak sai asionista".
"Importante mak empreza kontinua opera no ho prezensa asionista foun sira-nian to’o bele hadi’a dinámika servisu nian", nia defende.
SAPO TL ho Lusa
Governante ne’e refere katak haree hela ba "kestaun konsisténsia iha opsaun polítika no lembra katak ezekutivu sei "mantein ativu" hanesan asionista, hodi detein kapitál besik pursentu 21 iha empreza telekomunikasaun ne’e.
Desizaun Governu nian hodi la sosa parte Oi nian iha TT hetan lamentasaun hosi responsável timoroan sira empreza nian dezena rua resin, ne’ebé haruka karta ba primeiru-ministru.
Iha karta signatáriu 23 espresa "lamentasaun no deskontentamentu ho prosesu no rezultadu negosiasaun" kona-ba asauna Oi nian iha TT, hafoin kontaktu durante tinan-ida ho balun, sira hatete, katak "hamosu esperansa iha kolaboradór timoroan sira".
Responsável sira lamenta tanba lako’alia iha prosesu ne’e, hatudu katak operadór rua seluk lakumpre lei sira iha setór telekomunikasaun no konsidera katak sai alvu ba "konkorrénsia la leál" hosi parte indonézia Telkomcel no vietnamita Telemor.
Xefe Ezekutivu hakotu ba horisehik ba Lusa, kona-ba desizaun governamentál, katak "ideál ba ambiente liberalizasaun merkadu, ne’ebé pretende kuda iha setór ne’e, katak nakloke, karik atuál asionista lakohi kontinua, negosiasaun ho sira seluk ne’ebé hakarak sai asionista".
"Importante mak empreza kontinua opera no ho prezensa asionista foun sira-nian to’o bele hadi’a dinámika servisu nian", nia defende.
SAPO TL ho Lusa
Sem comentários:
Enviar um comentário