KKFP HAKLAKEN FUNDU PETROLIFERU BA RELIJIOZUS

Konselhu Konsultivu Fundu Petroliferu (KKFP), Kinta (16/6/2016), halo desiminsaun ou haklaken fundu petroliferu ba autor relijiozus Diocese Dili nian.

Prezidenti KKFP, Mericio Akara, klarifka katak, eventu ne’e  importante tebes, tanba  Bispo  Diocese Dili, Dom Virgílio do Carmo da Silva, SDB,  mak husu rasik atu nune’e KKFP bele fahe  informasaun konaba  fundu mina rai no mós papél KKFP nian ba  relijiozus Diocese Dili nian.

Iha atividades ne’e, KKFP mos konvida parseiru sira importante atu hola parte no sai orador, maka hanesan Autoridade Nasional Petroleo no Minerais (ANPM) ho  empreza Timor Gap, hodi mai kompleta informasaun  kona-ba petroleo nian.

KKFP mos sei rona prespektivas barak husi padre ho madre sira, liu-liu kontekstu agora kona ba folin mima mundial, produsaun rai laran menus, maibe nesidade nasaun kontinua sae, tanba Estadu mos kontia foti osan liu husi U$ 1 bilhoens resin.

Dom Virgilio do Carmo da Silva kontenti ho workshop ne’e, tanba bele sosializa diak liu tan kon ba fundu mina rai nian ba autor religiozu sira, tanba  sira hotu mos sidadaun Timor nune’e presija hatene kona ba fundu mian rai ne’e.

“Autor relijiozu sira mos besik liu ho sarani sira, tanba ne’e, sira bele haklaken informasaun kona-ba funsaun mina rai nian ba sarani sira,” hateten Dom Virgilio.

Autor relijiozus ne’ebé hola parte iha eventu ida ne’e mós bele fo hanoin ka pareser balun ba KKFP, tanba informasaun di’ak bele rona husi ema barak duke rona deit husi ema ida.nia

Jornal Nacional