TL PRIENSE KRITERIA TAMA ASEAN

“Desde kedas inisiu ita TL prense  tiha  hotu ona tanba ne’e maka ASEAN  sira mos responde tiha konsensualmente,    iha istoria ASEAN nian 2011  hodi avalia TL ninia prontidaun atu sai ba membru ASEAN,”esplika Vice Ministru Negosiu Estranjeiru Kooperasaun (MNEK) Roberto Soares ba jornalista hafoin  halo abertura workshop  ON ASEAN Ekonomi Community (AEC) iha sala Very  Important Persons (VIP) MNEK Praia dos Coquiros Dili Kinta (16/06).

 Roberto Soares hatutan, avaliasaun sira halo hotu ona hare’e husi aspetu politika no seguransa ekonomia sosial i  kultura kompleta tiha ona iha tinan kotuk.  Tinan    ida ne’e sira sei diskuti  seriu teb-tebes iha Lao Pediar  atu  hare’e kona-ba TL ninia integrasaun gradualmente  iha ASEAN ne’e.

“Portantu ita husik ASEAN maka disidi bainhira los maka sira bele estabelese klanderijasaun eventual adesaun TL ninian ne’e,”haktuir Roberto Soares.

Maske nune’e, Roberto Soares dehan, TL  la iha poliitka ida atu ejiji para tama lalais ASEAN.

“Ita prepara  ita nia kondisoins hotu hare’e  husi aspetu dezenvolvimentu instituisional  nomos dezenvolvimentu rekursu humanus, konserteza dezenvolvimentu  em jeral bazeia  ba  ita nia planu estratejiku dezenvolvimentu nasional ninian atu nune’e bele konsilida liu tan  TL ninia preparasaun parake TL sai membru ASEAN bele kontribui liu tan  ba politika dinamika ASEAN ninian rasik,”tenik Roberto Soares.

Roberto  Soares dehan, fundamental teb-tebes adesaun TL nian ba ASEAN laos atu sai fali obstaklu ou impedementu ba dezenvolvimentu politiku ASEAN ninian, maibe  adesaun TL ninian ne’e sai mos hanesan solusuan no kontribuisaun esepsional  atu bele halo ASEAN ne’e sai ASEAN ne’ebé maka forte liu tan.

 Alende  ne’e Rberto Soares informa mos kona-ba objektivu husi enkontru  workshop  ON ASEAN Ekonomi Community (AEC) nnian  ne’ebé halao  iha sala enkontru VIP MNEK Praia dos Coqueiros ninian ho  pontu fokal sira  ne’e maka reprezentante  husi linha Ministerio sira.

Workshop ne’e, Roberto Soares hateten,  hodi aprezenta fila- fali konjuntura politika ekonomia integrasaun ASEAN ninian atu nune’e pontu fokal sira bele kontinua akompanha prosesu evolusaun  iha ASEAN ninian rasik, li-liu maka oinsa  sira bele hahu no adapta standerijasuan ba ASEAN ninian ne’e  ba pollitika ekonomi TL ninian.

Tanba  ne’e maka pontu fokal  husi linha Ministerios ira, liu-liu Ministerio Ekomomiku sira, hanesan Ministerio Agrikultura, Finansas,Ministerio Comersiu Industria Ambiente (MCIA), Ministerio Turismu, setor privada sira mai iha ne’e MNEK ne’e  hodi akompanha   no diskuti hamosu prespektiva ne’ebé maka bele kontrbui nune’e bele haforsa TL ninia preparasaun atu sai membru ba ASEAN ne’e.

Roberto Soares, agradese tebes ba pontu fokal reprezenta Ministerio ida-idak hatudu katak  TL Kontinua nafatin konsistente  iha ninia politika adesaun ba ASEAN ne’e,    li-liu manifesta momos kona-ba seriadade determinasaun TL ninian kona-ba politika externa integrasaun rejional ASEAN ninian.

Nune’e  Vice fo agrades ba Soseade Sivil, Setor Privadu no Media sira  ne’ebé maka halo kobretura , akompanha hodi hare’e kona-ba   TL ninia evolusaun rasik atu fo sai publiku.

“Ami agradese tebes fo parabens ba hotu-hotu para bele haforsa nafatin TL ninia preparasaun ba adesaun ida ne’e,”haklaken Roberto Soares.avi

Jornal Nacional