PROSTITUSAUN KONTRIBUI BA TRANSMISAUN HIV/SIDA

Diretur Planeamento Monitoring no Evaluasaun CNCS-TL, Venacio Coelho dehan, atividade prostitusaun bele kontribui maka’as ba transmisaun HIV/SIDA, tanba relasaun seksual nia hun ida  mak  atividade prostitusaun.

Tanba ne’e komisaun nasional kombate HIV/SIDA halo intervensaun direitamente mos ba iha atividade prostitusaun tanba konsidera katak, prostitusaun ne’e atividade ida ne’ebe ke risku tebe- tebes ba transmisaun HIV/SIDA.

“iha 2015 komisaun nasional Combate HIV/SIDA halo rekrutamentu ba voluntariu husi ema hirak ne’ebe halo vida hanesan prostituante, sira mak ba diretamente ba sira ninia maluk sira ne’ebe nudar trabalhador servisu seksual sira ne’e halo akonselamentu ba sira no bolu sira mai hodi bele mai hetan informasaun konaba prevensaun,“dehan Venacio Coelho ba jornalist sira iha nia servisu fatin Pantai Kelapa, Kinta (16/6/2016).

Nia deklara tan kazu HIV/SIDA hahu iha tinan 2003 to’o mai Marsu 2016 iha ona kazu 560 husi numeru ne’e ema nain 67 mak mate ona no ema 212 mak sofre hiv oras ne’e dadauk halo hela tratamentu.

Nia subliña, kazu HIV/SIDA iha munisipiu Dili mak numeru as liu tuir fali Bobonaro, Suai no Baucau.

“Tuir dadus hatudu katak ema sira ne’e ho idade reproduktivu mak koba moras hiv- sida ema sira nebe  merese halo knar importante ruma iha nasaun ida ne’e mak sai risku ba moras HIV/SIDA,“ realsa Venancio.

Relasiona kazu HIV/SIDA kada fulan no tinan aumenta bebeik iha Timor, CNCS- TL enkorajen Timor oan hotu atu tau atensaun no halo prevensaun tanba moras HIV/SIDA nia aimoruk atu kura laiha. Car

Jornal Nacional