DILI
- Igreja bandu ona Amu Lulik sira halo misa iha sarani sira nia uma. Misa só
hala’o iha igreja no bele iha rate bainhira hala’o serimónia funeral.
Desizaun
ne’e sai mos tema ne’ebé diskuti iha semináriu evanjelizasaun ne’ebé hala’o
durante semana ida iha Balide-Dili.
“Igreja
bandu hanesan ne’e tanba misa iha uma di’ak ona maibé meza
ida sarani sira uza ba amu lulik sira halo tiha misa, maibé
meza ne’e foti ba tau fali hahan tanba ne’e labele. Meza
ne’ebé maka tau iha uma halo misa ne’e benzidu tiha ona ita
foti tau ortóriu la’ós uza ba atu han fatin,” haktuir Padre
Evaristo Fernandes Soares hafoin misa iha kapela Saun Arcanjo,
Surikmas-Dili, Domingu (24/07).
Padre
Evaristo hatutan, meza ka belador kiik ne’ebé maka tau iha altar
hodi amu lulik sira halo ona misa labele foti uza ona meza
ne’e konsideira santu ona, tanba bainhira selebra misa iha meje
ne’e Jesus nia futar isan ho ran iha meza refere sai ona santu.
Tanba
ne’e, Padre Evaristo haktuir, ba oin kuandu sarani sira persija amu lulik sira
ba halo misa iha uma di’ak liu mai misa de’it iha uma
kreda.
“Ha’u
atu fo hatene ba sarani sira kuandu misa iha loron Domingu labele tarde.
Misa kuandu determina tuku hitu misa ona, sarani hot-hotu tenke
prontu ona iha uma kreda,” subliña Padre Evaristo. (res)
Timor
Post
Sem comentários:
Enviar um comentário