MEMBRU F-FDTL NA’IN 2 TAMA KADEIA TINAN 12

Xefi  Estadu Maior Falintil Forsa Defeza Timor Leste (F-FDTL), Major General Lere Anan Timur informa katak, membru F-FDTL na’in rua 2 kumpri ona sentesa Tribunal nian hodi tama prizaun tinan 12, tanba komete krime homesidu.

“Ita nia maluk na’in rua ba kadeia 12 anos prizaun, tanba oho ema, e Tribunal toma ona desijaun, ha’u la toma ona ba sira tanba ha’u despaixo ona sira sai ona husi militar ba vida sivil,”deklara Major general Lere Anan Timur,  iha ninia intervensaun iha salaun enkontru PDHJ, Kinta (14/07/2016) antes hala’o asina akordu konaba termu referensia ho instituisaun Estado Provedor Direitus Humanus e Justisa (PDHJ) horseik.

Lere hateten, membru na’in 2 refere komete krimi violasaun direitus humanus tenke sai husi instituisaun ba fali vida sivil, tanba la admiti iha regulamentu militar nian.

“Forsa armadas iha ninia mandamentu ne’ebe  ke kumpri, projemplu mandamentu forsa armadas nian mak regulamentu disiplinar depois iha pontus hira ne’ebe mak tenke kumpri, se ita kumpri hotu ona ita sai ona husi kritika violasaun dereitus humanus,”esklarese Lere.

Maske nune’e, nia parte la koalia detalho konaba motivu husi kazu refere, la fo sai mos membru sira ninia identidade, inkluila fo sai mos membru refere tama prizaun horbainhira no kazu ne’e akontese iha fatin ne’ebe.Eus

Jornal Nacional