Ezérsitu
turku afirma ona, iha komunikadu imprensa, katak kaer ona kbiit iha nasaun
tomak.
"Ezérsitu
asumi total kbiit hodi restaura demokrasia. Ita nia akordu internasional sira
sei hala'o. Ami hein atu mantén relasaun di'ak sira ho nasaun sira hotu",
refere hosi Estadu-Maior Ezérsitu nian iha komunikadu.
Ajénsia
Anadolu fó sai katak xefe Estadu-Maior, jeneral Hulusi Akar, sai hanesan refén
hosi grupu ida soldadu sira nian.
Forsa
seguransa turku sira nian taka ona ponte rua ne'ebé iha estreitu Bósforu nia
leten, iha Istanbul, no aviaun militár sira semo badak iha Ankara, no
primeiru-ministru admiti katak hanesan mosu daudaun golpe militar ida.
Iha
kapital nasaun nian, imprensa ko'alia mós kona-ba movimentu militar sira,
seidauk hatene motivu sira. Fonte sira ne'ebé rona hosi Ajénsia Efe konta katak
rona tiru besik iha kuartel Estadu-maior nian.
Soldadu
sira kontrola ona aeroportu internasional sira iha Ankara no Istanbul ne'ebé
taka daudaun no semo sira hetan kanselamentu.
Iha
tuku 22:45 oras lokal akontese troka tiru entre helikópteru ne'ebé semo iha
kuartel Estadu-maior nian iha Ankara ho ajente polísia sira iha rai.
Imprensa
turku fó sai katak prezidente nasaun nian, Recep Tayyip Erdogan, sei halo
diskursu iha tempu badak.
Primeiru-ministru
turku, Binali Yildirim, konfirma ona katak hasoru daudaun golpe militar iha
kapital, iha Ankara.
"Hanesan
grupu ida iha Ezérsitu nia laran maka halo rebelde", hatete hosi xefe
Governu hodi admiti katak militar sira ne'e taka ona edifísiu prinsipal balun.
Ajénsia
turku Dogan asinala katak ambulánsia oioin ba ona kuartel sentral Estadu-maior
nian ne'ebé, tuir sasin sira, iha tiruteiu sira.
Tuir
diáriu dijital T24, edifísiu hosi serbisu sekretu turku sira nian sai hanesan
fatin tirumalu nian hahú hosi helikópteru ida.
Kontinjente
boot ida polísia nian desloka ona ba Ankara no taka ona asesu ba prasa sentral
Kizilay.
SAPO
TL ho Lusa -
Sem comentários:
Enviar um comentário