Prezidente
fransés, François Hollande, dekreta ona lutu nasional loron tolu, hosi
loron-sábadu to'o loron-segunda, tanba atentadu iha Nice (sudeste) ne'ebé halo
pelumenus ema na'in 84 mate iha loron-kinta kalan, fó sai hosi
primeiru-ministru.
Projetu
lei ida hodi hanaruk estadu emerjénsia to'o fulan-Outubru nia rohan, hahú iha nasaun
dezde atentadu terorista sira hosi fulan-Novembru 2015 iha Paris, sei aprezenta
iha loron-kuarta no loron-kinta iha parlamentu, hatutan ona hosi Manuel Valls,
bainhira hakotu reuniaun krizi ida iha Eliseu.
Valls
afirma ona katak "asaun terorista" iha Nice, hatudu, dala ida tan,
katak iha "situasaun funu" ida no nia garanti ona katak Fransa sei la
dezestabiliza, la monu hasoru terorista sira.
"Fransa
hanesan nasaun boot ida no demokrasia boot ida ne'ebé sei la
dezestabiliza", Valls hatutan iha deklarasaun públiku badak ida hafoin
hakotu konsellu seguransa no defeza nian ne'ebé prezidi hosi Hollande.
Serbisu
sira seguransa fransés nian identifika ona motorista kamiaun nian, ne'ebé lansa
ona karreta ne'e hasoru multidaun ida iha avenida marjinal Nice nian, hanesan
sidadaun franko-tunizinu ida ho tinan 31 ne'ebé hanesan rezidente iha sidade.
Autoridade
fransés sira konsidera ona katak hanesan atentadu terorista ida no Prezidente Fransa
nian, François Hollande, hanaruk ona estadu emerjénsia, ne'ebé halo iha nasaun
hahú tinan liubá, ba fulan tolu tan.
Autoria
hosi atake ne'e seidauk reivindika ida.
SAPO
TL ho Lusa – Foto: EPA@ Francois Mori
Sem comentários:
Enviar um comentário