AUTONOMISTA FILA MAI TENKE APLIKA JUSTISA

Rekomendasaun ne’ebe aprezenta husi lider pro-otonomia 1999 ba prezidenti Republika (PR), Taur Matan Ruak, atu fila mai Timor, maibe justisa ba sira tenke la’o nafatin ba sira ne’ebe mak komete krime.

“Maluk sira ne’ebe agora dadaun iha Timor osidental hakarak fila hikas mai Timor, ba sira ne’ebe mak karik naran iha ona lista serius krime ninian, sé sira fila ha’u hanoin Timor Leste hanesan Estadu de dereitu demokratiku sira tenke hakarak ka lakohi sira tenke responsabiliza ba aktus krimi ne’ebe mak sira komete ka sira halo iha      Timor antes sai, sira tenke hatan iha Tribunal,”deklara Provedor Dereitur Humanus no Justisa (PDHJ), Silveiro Pinto, ba Jornalista iha ninia knar fatin, Caicoli, Dili, Kinta (14/07/2016).

Nia reforsa liutan, ba sira ne’ebe mak komete krimi hanesan ema sivil, balu militar no politikus balu ne’ebe naran tama iha lista system krime idak-idak tenke ba hatan iha Tribunal.

Tanba nia dehan, Timor Leste labele tolera ba ema ne’ebe deit mak komete krimi ne’e labele fo livre husi sensaun penal, maibe tenke fo sensaun ne’ebe rigrozu tuir lei ne’ebe mak vigora ona iha TL.

“Sira ne’ebe komete ona krimi labele rolera no labele fo livre, tenke sensaun penal ba sira, sira tenke ba hatan iha Tribunal,”hatutan Silveiro Pinto.

Nia hatutan ba sira ne’ebe mak uluk la komete aktus krimi ruma hanesan homesidu ou estragus ema ninia uma, hakarak fila mai Timor, maibe tenke tenke priense rekezitus ne’ebe trasa ona iha lei TL.

“Sira ne’ebe hakarak fila sai sidadania tenke prense rekezitus la’os nia ema estrangeiru ida fila mai sai kedas sidadaun ne’e lae, tenke tuir prosesu ne’ebe mak determina ona iha ita nia lei,”esplika nia. Eus

Jornal Nacional