Nice. Pelumenus labarik na'in rua mate no na'in 50 iha ospital

Pelumenus labarik na'in rua mate no na'in 50 iha ospital hafoin atake iha loron-kinta iha Nice, bainhira kamiaun ida avansa hasoru multidaun ida ne'ebé asisti hela fogete sira iha komemorasaun sira ba Loron Nasional Fransa nina, haktuir hosi fonte médiku sira.

"Iha tuku 07:00 (oras lokal), iha ona labarik na'in rua mate", hafoin hala'o tiha operasaun sira, "iha sira seluk ne'ebé maka iha kondisaun entre moris no mate", haktuir hosi fonte sira.

Atentadu loron-kuarta kalan nian halo ona pelumenus ema na'in 84 mate no atus resin hetan kanek, na'in 18 iha estadu ida ne'ebé todan tebes.

Atentadu, ne'ebé halo hosi sidadaun franko-tunizinu ho tinan 31, akontese iha avenida marjinal Nice nian, Promenade des Anglais, ne'ebé ema barak, iha momentu ne'ebá, asisti hela fogetes sira hodi selebra loron nasional Fransa nian.

Autoridade fransés sira konsidera ona katak hanesan atentadu terorista ida no Prezidente Fransa nian, François Hollande, hanaruk ona estadu emerjénsia, ne'ebé halo iha nasaun hahú tinan liubá, ba fulan tolu tan.

Autoria hosi atake ne'e seidauk reivindika ida.

SAPO TL ho Lusa – Foto: EPA@ Soeren Stache