ASEAN PREPARA KONDISOENS BA TL

Association of South East Asian Nations (ASEAN) sira  oras ne’e dadauk prepara hela kondisoens ba  futuru Timor Leste atu  adere ba ASEAN.

“Ita haree katak,  ASEAN sira oras  ne’e dadauk sira mos iha seriedade   no komitmentu diskuti  no prapara ona kondisoens  ba futuru adezaun  Timor Leste  nian,”Vise Ministru Negosius Estranjeirus no Kooperasaun  (MNEK), Roberto Soares ba  Jornal Nacional Diário hafoin desemina informasaun kona-ba ASEAN nian ba estudante Universidade Oriental Timor Lorosa’e (UNITAL), Becora,  Kinta (14/07).

Roberto Soares  dehan,   prezensa ninian iha UNITAL hodi kontinua nafatin  desimina  prosesu adezaun TL  nian ba ASEAN ne’e la’o oin nusa ona. nune’e estudante sira bele intende diak liu tan.

“Ami fiar katak, partisipasaun sivitas akademika nian iha  prosesu adesaun nian ne’e importante tebes. Ho objetivu ida ne’e maka ami mai hato’o  ninia preparasaun ne’e to’o ona iha ne’ebe para depoiis TL karik tama ASEAN ita  bele kontribui prespektiva hanesan,”katak Roberto Soares.

Ne’e duni, Roberto Soares agradese tebes numeru partisipasaun  estudante  sira nian hahú  husi magnifiku Reitor  ninia prezensa  ho  ninia estrutura tomak hatudu katak,  UNITAL   no ninia estrutura tomak, liu-liu sivitas  akademika ne’e rasik fo sira nia apoiu ba  iha politika ida ne’e.

Roberto Soares realsa katak, kona-ba preparasaun TL nian adere ba ASEAN,  bele dehan TL prontu kualker momentu,    hahú kedas husi parte politika no seguransa ekonomia sosial kultura, pilar importantes tolu ne’e priense hotu nia rekejitus.

“Maibe  fundamental  ne’ebe maka ami sempre hateten  maka,  ita lakohi estabelese ninia kalendarizasaun time line ida, tanba  ita  mos lakohi fo presaun ba ASEAN,”haklaken Roberto Soares.avi 

Jornal Nacional