DILI
(ANTIL) – Ministro Defesa Timor-Leste, Cirilio Cristovão, konvida feto
Timor-Leste atu hola parte nuudar membru polisia, tanba tuir nia servisu
hanesan polisia la’os fasil, maibe la’os mos imposivel.
“Enkoraja
feto maluk sira atu partisipa nuudar polisia tanba kadetes nain 259 ne’e iha
feto nain hitu (7 ) de’it. Sai membru Polisia ne’e hanesan privileju bo’ot ida
atu didika an ba rai ida ne’e,” Cirilio konvida liuhosi nia diskursu bainhira
halo intervensaun iha seremonia graduasaun Polisia Nasionál Timor Leste nain
259, iha Akademia Polisia Nasional Timor Leste, Comoro, Sesta-feira (05/08).
Hodi
Governu nia naran, Cirilio hato’o parabens ba familia tan sakrifisiu, korajen,
didikasaun ne’ebé fo apoiu tomak ba oan, alin sira hodi hola parte hanesan
familia bo’ot Polisia Nasionál Timor-Leste nian.
“Ita
Bo’ot sira tenke disiplina hodi asegura seguransa ba populasaun tomak,”
Ministru Defesa, Cirilio apela ba polisia foun.
Ceerilo
hatutan tan, polisia iha knaar importante tebes ba rai Timor ne’ebe ohin loron
influensiadu ho krime organizadu, terorismu, narkotrafiku, la’os fasil atu
kombate, maibe knaar iha Polisia sira nia kabas, polisia nia korajen,
determinasaun ajuda lori nasaun Timor hetan respeitu iha nasionál no
internasionál.
Tuir
planu estratejiku PNTL 2014-2018, PNTL iha obrigasaun defende direitu
sidadaun sira nian, no defende prinsipiu sira hodi implementa no grante
trankuilidade, pas no armonia ba sidadaun hotu-hotu iha estadu Timor Leste.
Disiplina,
serve no onra sai motto PNTL, nuudar valór instituisaun nian, membru PNTL iha
obrigasaun ho étika atu kaer metin esperitu fundamentál valor instituisaun
nian, iha ita nia hanoin no iha ita nia hahalok. (Manuel Pinto/Editór
Otelio Ote)
Sem comentários:
Enviar um comentário