quinta-feira, 4 de agosto de 2016

RISKA ‘BURADU” BANDEIRA RDTL, PN HUSU PNTL HALO KAPTURASAUN

PARTILHAR

Reprezentante povu iha Parlamentu Nasional (PN) kondena maka’as hahalok grupu juventude balun ne’ebe hakerek ‘buradu’ bandeira RDTL.

PN mos husu ba autoridade seguransa, liu-liu Polisia Nacional Timor Leste (PNTL) atu halo kapturasaun urjentimente ba ema hirak ne’ebe ho vontade hakarek ‘buradu’ bandeira RDTL ne’ebe sai mos simbolu sagradu nasaun no povu Timor Leste nian.

Membru PN husi Bankada FRETILIN, Manuel Castro, ho Deputadu Manuel Guterres husi Bankada CNRT, inklui Xefi Bankada CNRT, Natalino dos Santos, lamenta tebes tanba hahalok ne’e la valoriza simbolu nasaun nian, ne’ebe maka povu rihun ba rihun sosa ho rui, ran no isin lolon.

Deputadu Manuel Castro, Deputadu Manuel Guterres ho Deputadu Natalino dos Santos, sublinha katak, aktu hakerek ‘buradu’ bandeira RDTL ne’e krime tanba ne’e Polisia Nasional Timor Leste (PNTL) bele foti ona medidas ruma.

“Bandeira ne’e laos hena ne’ebe ita suku bai-bain, mas bandeira ida ne’e ita lori ruin ho ran. Ema rihun ba rihun tenki mate hodi hetan bandeira ida ne’e, tanba ne’e,  husu ba Timor oan hotu atu respeita bandeira ida ne’e,” afirma Deputadu Manuel Castro ba JNDiario iha PN, Tersa (02/08/2016).

Ho lian maka’as Deputadu Manuel Castro lia tun dehan,  hahalok ema ne’ebe hakerek ‘buradu’ bandeira RDTL, dala ruma, laos nasionalista.

“Se lakohi  ona iha Timor bele sai husi Timor, husu mos ba ema estranjeirus atu respeita bandeira ne’e,” afirma Manuel Castro.

“Hau husu ba Polisia atu toma kedas medida, halo kapturasaun no halo investigasaun ba ema nebe halo Bandeira hanesan ne’e, ida ne’e ita hatun dignidade nasaun nian, la respeita nasaun no simbolu nasaun nian,” afirma Manuel Castro.

Deputadu Manuel Guterres via mensanjen facebook afirma katak, bandeira RDTL ne’e sagradu nudfar simbolu nasaun, tanba sosa ho ruin no ran ne’ebe oras ne’e barak sei naklekar hela iha teritoriu Timor laran tomak.

“Husu Komando PNTL bele foti ona medidas ruma tanba ida ne’e ita konsidera krime kontra Estadu RDTL,” afirma Deputadu Manuel Guterres.

Husi sorin seluk, prezidenti bankda CNRT, Natalino dos Santos hateten,  ema ne’ebe halo hahalok ne’e la iha sentidu Nasionalisme ba nasaun.

“Hena ne’e sira hanoin dehan katak hena simples ida maibe hena ida ne’e nia signifikandu boot no sagradu teb – tebes, ita hare katak povu ida ne’e mate tanba defende rai ida ne’e no Bandeira ida ne’e, Bandeira nudar simbolu de representante do povu ida ne’e que sofre tinan ba tinan hodi hari Bandeira ne’e,” afirma Deputadu Natalino iha PN.

Deputadu Natalino hateten, se Timor oan ida maka hakerek Bandeira hanesan ne’e, hahalok ne’e tristi tebes i organizasaun ne’ebe halo buat ne’e atu bolu atensaun i sei bele halo investigasaun tamba sa tenki hakerek iha Bandeira ne’e.

“Sira nia hahalok ne’e hanesan pelecehan ba Bandeira ne’ebe lori ruin no ran i balu lahetan to’o agora hodi hamrik, mais konsege hari Bandeira ne’e iha rai ida ne’e, ida ne’e sira halo pelecehan ba simbolu nasional no bele konseidera hanesan krime,” esplika Natalino dos Santos.

Deputadu ne’e mos husu ba Polisia atu foti medidas forte ba asaun ne’e tamba pelecehan ba simbolu nasional, hahalok ne’e la tolera iha nasaun ne’e tamba Bandeira ne’e simbolu povu ida ne’e nian, simbolu nasaun soberanu nian.

Jornalista JN-Diário halo esforsu ona hodi hetan konfirmasaun ba grupu juventude ne’e iha sira nia sede, maibe sede refere nia odamatan savi metin no laiha pesoal ida mak hein.nes/mia

Jornal Nacional
PARTILHAR

Author: verified_user

Publicação luso-timorense sem fins lucrativos

4 comentários:

Anónimo disse...

DEPUTADUS SIRA SERVISU LAIHA NO HAKARAK DESVIA HUSI RESPONSABILIDADE MAKA BA PERDE TEMPU FALI HO LABARIK JUVENTUDE SIRA NIA KREATIVIDADE NE!...LIAFUAN SIR HAKEREK IHA BANDEIRA NE ME SAK ELOGIO DEIT BA TIMOR-LESTE.....EKSPRESAUN DOMIN NO ADMIRASAUN BA RAI MURAK NE NIA FURAK....! IHA MANEIRAS OIN-OIN ATU EKSPRESA EMA NIA PATRIOTISMU NA TIMOR-LESTE.....ITA BOT SIRA NIA REAKSIONARIU DEMAIS...

SE HAKRAK EDUKA.....LABELE AMIASA HO KAER DEIT....PRENDE DEIT...EDUKASAUN NE PROSESU,,,LORI TEMPU.....PRESIJA HANOIN HO KAKUTAK...LAOS HO EMOSAUN.
PNTL NIA SERVISU PRINSIPAL ATU SERVI NO ASEGURA LEI NO ORDEM,...SE DEPUTADUS SENTE LABARIK NO JUVENTUDE SIRA HALO KRIME KONTRA ESTADU RDTL,....ITABOT SIRA TENKI HATO KEIXA...LAOS HAKILAR LAOS HARUKA DEIT PNTL....TAN PNTL MOS SEI LA BOK AN.....SIRA SO BELE ATUA HO MANDATU LEGAL RUMA......

DEPUTADUS KO NGAWUR.....KOLIA LAIHA FUNDAMENTU.....HALO ITA MOE DEIT!!

JUVENTUDE SIRA PRESIJA EXEMPLO DIAK HUSI DEPUTADUS SIRA KONA BA VALOR PATRIOTISMU...NASIONALISMO NEBE KUALIDADE....LAOS SABRAUT! DURANTI NE'E ITABOTSIRA SR DEPUTADUS,...HATUDU MAKA EGOISMU POLITIKU DEIT,....BUAT HOTU SO IMI DEIT. ITA BOT SIRA PREOKUPA DEMAIS HO IMI NIA BOLSU...IMI NIA VITALISIA....

Ndenjenflo goncalves disse...

Iha Fatin seluk(surat tahan ou hena seluk) par hodi hakerek..laos hakerek fali iha Bandeira neee,,,,Bandeira RDTL nee hodi Ruin ho Ran mak Sosa.Ema sira nee merese kaer pr bele eduka sira..

Gibrael Dias Soares Carocho disse...

Se Joventude espresa domin ba rai timor liu husi hakerek iha bandeira RDTL sai problema? Entaun oinsa ho bandeira kiik oan ho kesak mutin nebe faan tuir dalan ninin iha loron restaurasaun nian, depois uza balun soe iha fatfatin, balu iha lixu, balu mos iha baleta kuak ate tama to fahi luhan, konaba buat hirak ne Deputadu sira nunka kestiona, oinsa ho nasionalidade deputadu sira nian?

LunyBruno.TL disse...

hau fo Aplos ba Belun Anonimo & Gibrael...Bravo

hau nia Comentario mos sei la-sai dok husi maluk nain-2 nia liafuan.,

Pontu Importante mak PRESIJA FO EDUKA ULUK LAI, DPOIS LA-HALO TUIR MAK UJA LEI PARA BA KAER EMA NEBE MAK HALO SALAH., LAOS joven sira foin mak halo sala 8an deit..uja FORSA para tun ba kaer Joven sira, ne saida mak ne??? HANESAN FALI a2 hamate Juventude nia Aktividade(kreatividade)..