Governu Foti Osan Boot Husi Fundu Petroliferu

DILI – Kada tinan governu foti osan husi Fundu petroliferu ho montante boot, tau prioridade ba Infrastrutura iha rai laran, maibe hare ba realidade la fo retornu diak ba Timor Leste. Foti osan barak laos desizaun diak, maibe ida nee hanesan desizaun neebe atu hakoi futuru Jerasaun TL nian.

Kestaun nee fo sai husi Peskizador Lao hamotuk Juvinal Dias ba STL Kuarta (09/11/2016) iha Hotel Novu Turismu, bainhira partisipa iha seminariu Panorama, neebe halo husi Parlamentu Nasiona ho membru Governu sira.

Ita hare orsamentu jeral tinan 2017 governu nafatin atu foti osan boot husi fundu petroliferu nian hodi, tau prioridade ba infrastrutura boot iha rai laran, neebe ninia retornu laiha, tanba nee maka hanesan Sosidade sivil husu ba governu atu labele foti tan osan boot hodi tau prioridade ba prozetu boot neebe nia retornu la klaru, tanba nee parlamentu tenke husu ba governu atu fornese evidensia analiza sosial ekonomia konaba prozetu boot hirak neebe atu halo iha tinan 2017 nia laran,” dehan Juvinal.

Nia mos informa, pozisaun Sosidade sivil maka Governu labele gasta osan arbiru deit, tanba hare ba mina iha posu balun hahu maran, no foti osan hodi gasta arbiru maka iha futuru mai sei hakoi jerasaun TL.

Iha parte seluk Koordenador Unidade Administrasaun fundu Petrolium Filipe Nery Bernado mos hatutan, husi Insiu too agora Governu gasta ona osan husi Fundu Mina hamotuk Billaun 8 ba dezenvolvimentu rai laran, osan Billaun 8 nee mai husi fundu petroliu. Informasaun kompletu iha STL Jornal no STL Web, edisaun Sesta (11/10/2016). Madalena Horta

Suara Timor Lorosae