DILI,
(ANTIL) – Prezidenti Timor GAP,Ep, Francisco Monteiro informa, iha tinan
2017 Timor GAP sei preve orsamentu hamutuk miloens 18.6 iha Orsamentu Jerál
Estadu.
“Miloens
18,6 mais husu pedidu transferénsia públika serka de 11.9 milloens, ne’e atu
fasilita finansiamentu operasaun Timor GAP nian”, Francisco Monteiro esplika ba
deputadu sira Parlamentu Nasionál iha sesaun audénsia ho komisaun
parlamentu nian.
Nia
dehan tan, Timor GAP mós iha alokasaun orsamentu atu apoia komisariu Timor GAP
iha enkontru komisaun konjunta Sunrise nian no preve mós osan balu atu fasilita
bainhira presiza iha negosiasaun Greater Sunrise nian.
Iha
fatin hanesan deputadu bankada FRETILIN, Aurelio Freitas Ribeiro kestiona,
hafoin harii tiha Timor GAP, Ep, metas ne’ebé mak atinji ona ne’e iha ne’ebé
tanba Timor GAP, Ep kada tin-tinan governu sempre sustenta hela de’it
orsamentu.
“Timor
GAP la-produs rezultadu agora husu orsamentu boot tan, kompara ho tinan 2016,”
Aurelio Freitas Ribeiro kestiona. Hodi kontinua tau fi’ar ba kompaña Timor GAP,
Ep atu halo esforsu nune’e loron ida hetan rezultadu tuir istimativa ne’ebé
haktuir ona iha Timor GAP nia polítika.
“Labele
hein tinan-tinan tau osan de’it,” Aurelio fó hanoin. (jornalista: Manuel
Pinto; editora: Rita Almeida)
Notisia ANTIL iha 28.10.2016 - Foto:
Prezidenti Timor GAP,Ep, Francisco Monteiro.
Sem comentários:
Enviar um comentário