DILI
- Advogadu privadu labele haree deit ba ema neebe mak iha osan, maibe
fungsaun importante mak tenke sai hanesan salvador ba ema sala nain sira. Tanba
oras nee povu aileba sira hamrok tebes ba justisa.
Ministru
Justisa Interinu Jaime Xavier Lopes hatete, povu aileba sira hamrok hela
justisa iha rai laran. Tanba nee advogadu sira tenke halo fungsaun ho diak hodi
atende nia kliente sira. Hanesan advogadu labele haree deit ba kliente neebe
iha osan hodi hanesan sira neebe laiha osan. Tanba fungsaun advogadu nian mak
atu defende no sai salvador ba ema sala nain sira, dehan nia iha serimonia
aniversariu Centru Formasaun Judisiariu (CFJ) ba dala sanulu no tomada de pose
ba advogadu privadu nain 27 iha Caikoli, Sesta (02/12/2016).
Nia
hatutan, hahu husi inisiu 2006 too agora CFJ produs ona Advogadu Privadu (AP)
iha Timor Leste hamutuk ema nain 99. Tanba nee ba formadu nain 27 neebe foin
simu tomada de pose nee atu bele halao imi nia fungsaun hanesan advogadu ho
diak, halo tuir buat neebe mak imi hetan durante iha formasaun nia laran.
Iha
fatin hanesan Prezidenti Konselhu ba Advogadu, Adelino Quintao hatete, sai
hanesan advogadu profisaun neebe as, tanba fungsaun nee atu sai salvador ba ema
sala nain. Tanba nee tenke fo prestasaun neebe diak hodi ezerse fugsaun advogadu
ho diak.
Para
nunee kliente sira mak mai buka ita. Sekuandu ita la hatudu prestasaun neebe
diak, kliente sira sei ba buka fali ema seluk. Tanba advogadu privadu la simu
osan husi governu, maibe depende ba ita nia an. Bainhira ita ezerse ho diak,
ita mak halo rasik osan ba ita nia aan,” dehan nia.
Entretantu
Direktora CFJ Marcelina Tilman hatete, ohin formadus nain 27 mak simu
graduasaun. Neebe ho IV kursu ba advogadu privadu nee hamutuk ema nain 99 mak
CFJ produs ona. Ho numeru hirak nee sufisienti ona hodi halo atendementu ba
povu. Informasaun kompletu iha STL Jornal no STL Web, edisaun Sabado
(3/12/2016). Domingas Gomes/Domingos Piedade
Suara
Timor Lorosae
Sem comentários:
Enviar um comentário