Kandidatu prezidensiál timoroan akuza tribunál larespeita prinsípiu ba igualdade

Kandidatu ba eleisaun prezidensiál timoroan Antonio Maher Lopes iha semana ne’e akuza Tribunál Rekursu viola  prinsípiu legalidade no igualdade lainklui nia naran antigu funu nian iha  boletin votu.

Antonio Maher Lopes aprezenta iha kuarta-feira rekursu ida ho efeitu suspensivu ba Tribunál Rekursu hodi husu  inklui ninia naran antigu kódigu Fatuk Mutin (Rocha Branca), ne’ebé koñesidu durante  iha luta ba independénsia Timor-Leste nian.

Kandidatu ne’e hakarak  boletin votu – ne’ebé maka okupa iha fatin dahuluk  sorteiu nian realiza ohin – identifika  hanesan 'Antonio Maher Lopes - Fatuk Mutin'.

Kandidatura ne’e reklama tanba  Tribunál rekuza  pedidu Maher Lopes alega, entre sira seluk, ne’ebé realiza hafoin  ninia prazu  no lakumpre rekizitu seluk tuir  lei.

"Maibé aseita kandidatu hosi  Frente Revolucionária do Timor-Leste Independente (Fretilin), Francisco Guterres, uza kódigu "Lu´olo",  gravé liu kódigu "Lu´olo" nian latama iha  dokumentu identifikasaun kandidatu Francisco Guterres", esplika nota hosi kandidatura Maher ne’ebé haruka ba Lusa.

Iha karta ne’ebé haruka ba tribunál, kandidatura konsidera katak" viola aplikasaun ba desizaun tuir prinsípiu konstitusionál no universál demokrátiku, legalidade no igualdade", no afirma tan katak tribunál "favorese pessoál kandidatu ida ho desvantajen ba  rekorrente no bele  ba moos kandidatu sira seluk".

"Venerandu  Tribunál Rekursu nian aseita kandidatura ba sidadaun seluk ne’ebé inklui, aléinde nia naran ho rejistu sivil, nomós ninia 'naran funu ' ka alkuña.

 Venerandu tribunál ne’e aseita katak kandidatu ida no  só ida deit maka bele haree 'naran funu nian', ka alkuña ne’ebé rekoñesidu, hakerek iha  dokumentu ofisiál no boletin votu", afirma nia.

SAPO TL ho Lusa