DILI
- Oras nee partidu 31 mak rejista ona iha Tribunal Rekursu (TR), partidu hirak
nee mak sei partisipa iha festa demokrasia liu-liu iha eleisaun parlamentar,
tanba nee juventude sira labele sai romantis iha partidu refere.
Partisipasaun
juventude nian iha Partidu Politiku (Parpol) maximu tebes, objetivu juventude
sira nia ba iha partidu ho kovikasaun ida hakarak halo mudansa, maibe laos sai
romantis.
Tuir
Jestor Forum Komunikasaun Juventude Partidaria (FKJP), João Tavares do
Nasimento hatete, tinan ida nee festa demokrasia. Kuaze ema hotu-hotu partisipa
iha partidu politiku neebe mak Ema hakarak.
Ita
nia lideransa sira hatete beik-beik juventude romantis, juventude rombongan
makan gratis,” dehan Jestor FKJP, João Tavares ba STL iha nia knar
fatin-Farol-Dili, Sesta (17/02/2017).
Jestor
FKJP nee haktuir, maibe juventude laos nunee, hanesan lideransa sira hatete,
juventude sai hanesan autor determinante iha partidu hotu-hotu para sira rasik
bele lidera partidu. Nia dehan, tanba juventude mak sai hanesan estafeta
partidu nian iha futuru tan nee hanesan juventude iha papel importante mantein
paz no estabilidade hodi harmonia entre juventude.
Iha
sorin seluk, Prezidente CNJTL, Maria Dadi Magno esplika, partisipasaun
juventude sira nian ba partidu politiku nee importante tebes tanba liu husi
sira nia involvimentu bele aumenta koinesementu iha area politika. Raimundo
S. Fraga
Suara
Timor Lorosae
Sem comentários:
Enviar um comentário