ULMERA
- Hafoin elisaun prezidensial, situasaun seguransa iha area Munisipiu Liquica,
ema jeral, lao kontroladu. Komesa Janeiru too Abril nee, buat hotu lao hanesan
babain. Nunee informa Adjuntu Komandante Polisia Munisipiu Liquica,
Superintidente Asistente Polisia, Eduardo Campos hafoin remata kuada ai oan
parapa iha tasi ibun, Suku Ulmera, Postu Administrativu Bazartete, Tersa
(11/4/2017).
Too
oras nee dadaun laiha problema neebe mosu. So iha deit problema kiik oan
sira hanesan hemu lanu, baku malu, no violensia domestika maibe problema sira
nee polisia konsege resolve,” hateten Eduardo Campos.
Konaba
kazu asidenti, nia dehan, durante fulan tolu nia laran nee, numeru kazu
asidente aas, kuaze 19, maibe lakonsege rezulta ema mate. Nunee mos konaba
relasaun servisu. Autoridade seguransa ho entidade hotu, inklui komunidade,
durante nee lao diak. Linha kordenasaun lao diak.
Deklarasaun
hanesan hatoo husi Administrador Postu Administrativu Bazartete Joao Nascimento
Braz. Nia dehan, linha kordenasaun ho entidade hotu lao diak.
Hau
fo orientasaun nafatin ba xefe suku sira, atu ida-idak hatoo ba sira nia
komunidade para involve iha dezenvolvimentu”.
Xefe
Suku Ulmera Martinho Menezes rekoinese, linha kordenasaun servisu ho entidade
hotu iha neba, durante nee lao diak. Karik iha problema ruma mosu, autoridade
suku hamutuk ho OPS sempre kordena ba malu hodi rezolve didiak. Buat hotu lao
hanesan babain. Natalino T. da Costa
Suara
Timor Lorosae
Sem comentários:
Enviar um comentário