domingo, 7 de maio de 2017

Presiza Halo Sosializasaun Sobre, Transferensia Komunidade

PARTILHAR
DILI - Komunidade husi Suku Comoro, Postu Administrativu Don Aleixo, Munisipiu Dili husu ba governu  atu halo sosializasaun kona-ba transfrensia komunidade husi suku ida ba suku seluk. Atu nunee bele fasilita komunidade neebe hakarak transfrensia ba suku seluk hodi tuir Elisaun Parlamentar (Elpar).

Tomas D. Piedade nuudar komunidade hatoo kestaun nee ba STL iha Sede Suku Comoro Dili Kuarta (3/5/2017). Tuir nia katak, realidade neebe iha komunidadde barak ladauk hatene sistema transfrensia ida nee. Ema neebe hatene mak ema neebe iha kunhesementus klean buka informasaun.

Hanesan realidade neebe mosu iha elisaun prezidensial iha 20 de Marsu 2017 ema barak mak latuir elisaun no lakon sira nia direitus tomak nuudar sidadaun. Tanba nee mak antes atu tama ba iha elisaun parlamentar husu ba suku sira atu fahe informasaun kona-ba oinsa sistema transfrensia komunidade husi suku id aba fali suku seluk.

Ami hakarak hatoo deit katak oras nee dadaun ami komunidade sedauk hatene kona-ba sistema halo transfrensia husi suku ida ba suku seluk. Tanba ami lakohi mosu failansu hanesan iha elisaun prezidente,”katak Tomas.

Xefe Suku Kampo Alor, Alcina Carvalho dos Santos dehan, dadaun iha komunidade neebe hakarak halo transfrensia husi suku ida ba suku seluk lao hela lor-loron iha Suku Kampo Alor.

Realidade neebe iha katak komunidade husi Suku Moatel neebe hela iha areia Aldeia Anin Fuik Zero Tres balun kartaun eleitoral husi Suku Motael tanba nee sira husu tranfrensia tama ba iha Suku Kampo Alor.

Nee duni, oras nee husi Suku Kampo Alor ona komunidade balu husi Suku Motael hakarak husu karta transfrensia tama ba iha Suku Kampo Alor.

Parte seluk Xefe Suku Bemori Cristalina Pereira Soares de Oliveira hatutan, komunidades neebe hakarak halo transfrensia sai husi suku ida ba suku seluk nee importante liu atu bele fasilita sira tuir elisaun parlamentar neebe atu mosu mai.

Karik maluk sira neebe hakarak halo transfrensia sai husi suku ida ba suku seluk tenki lori kartaun transferensia husi suku neebe antes nee nia hela ba.

Kartau ba transferensia husi suku inportante tanba husi karta referensia nee bele identifika lolos komunidade ofisilmente muda ona husi suku id aba fali suku seluk. Nunee mos bele fasilita servisu suku ho diak. Justinho Manuel

Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: