Eviksaun Ba Komunidae, Kria Uluk Kondisaun

DILI – Dili Demokrasia Forum (DDF), Kinta (04/05/2017) realiza debate publiku ho tema problema rai iha Timor Leste neebe mak direje husi Charmain and Ceo Salvador J. Ximenes Soares hamutuk ho orador nain tolu mak hanesan Sekretariu Estadu Terras no Propriedades Jaime Xavier, Diretor Interinu Luta Hamutuk, Jose Alves da Costa, Xefi Suku Comoro, Eurico da Costa no hetan partisipasaun masimu husi estudante UNTL husi fakuldade siensia Politika no Grupu Bucaf (Buka Bukae ba Futuru).

Tuir Diretor Interinu Luta Hamutuk, Jose Alves da Costa ba STL, hafoin partisipa DDF esplika katak bainhira governu atu halo evikasaun ba komunidade ho despeza admistrativa atu hasai ema husi propriedade estadu ninian iha 30 dias deit hodi halo rekursu ba Tribunal nian. Maibe, lei foun neebe mak manda ona ba Prezidente Republika ida nee nia vantajen neebe mak diak mak sei fo prolongamentu hodi too tinan ida para atu buka fatin no halo levantamentu ba problema rai refere.

Ba ami Luta hamutuk ladun kestiona lei halo nusa maibe ita presiza iha planu integradu husi Ministerial sira para bainhira atu hasai ita nia povu iha propriedade estadu ida ita hatene ona katak nia atu ba hela iha neebe laos kestaun fo osan ka halo mediasaun fo osan maibe ba nia hela iha neebe ezemplu fo 4 mill dollars depois nia ba hela iha hotel loron hira no ida nee mak sai preokupasaun ba Luta Hamutuk,” dehan Jose.

Hanesan kaju iha Aitarak Laran, antes komunidade sira hela iha Aitarak laran sai, estadu la fo osan maibe koalia ho kompania sira kria bairu foun tiha mak haruka, favor ida muda ba fatin ida nee tamba rai ida nee atu halo investimentu.

Hatan ba kestaun nee, tuir Sekretariu Estadu Terras no Propriedades Jaime Xavier katak lei ida neebe mak agora dadaun ema kaer hela nee kona ba estadu no agora lei foun nee kona ba rai privadu neebe atu dehan deit katak no mos lei ho eis propriasaun governu hare ema nia rain ruma mak dehan katak rai privadu ruma governu fo indimizasaun ba ema tuir lei expropriasaun tuir lei dehan. Domingos da Piedade Freitas

Suara Timor Lorosae