domingo, 7 de maio de 2017

Deskonfia Membru KSTL Hamosu Intimidasaun

PARTILHAR
DILI – Komemora loron mundial Traballador neebe mak selebra iha dia, 1 de Maiu, (Horbain rua-reed), Deskonfia membru Konfederasaun Sindikatu Traballador Timor Leste (KSTL) kria problema ba jestaun Hotel Timor.

Preokupasaun nee hatoo husi Deputadu Jose Luis Guterres liu husi sesaun Plenaria iha Parlamentu Nasional (PN) Tersa (02/05/2017).

Dia 01 Maiu ita hotu selebra ita ondra la bele akontese fali asaun sira neebe mak balun halo neebe husu primeiru ba dirasaun sinkatu atu haree didiak tanba ita iha governu ita iha lei no orden la bele ba obriga fali ema  para taka sira nia hotel,” dehan Jose Luis.

Nia esplika katak, aban bainrua se bele karik governu neebe mai presiza selebra hamutuk ho traballdores loron primeiru de maiu.

"Ita hotu mesak traballador hotu,” dehan nia

Hatan ba kestaun nee Sekretariu Jeral Konfederasaun Sindikatu Timor Leste (KSTL), Jose da Conçeicão da Costa dehan, asuntu nee la loos.

Nee la loos ida, ita boot sira hatene horseik (Segunda-red) komemorasaun nee alende ami (KSTL) organizasaun afiliadu sira  grupu estudante sira ami konsentra iha Mandarin depois  lao ba iha Palasiu Govenu nia oin nee, ami liu husi Hotel Timor, iha neeba ami para purvolta de 5 minitu hanesan nee depois ami kontinua ami la ameasa, ameasa nee kolega estudante sira husi FORAM mak ameasa tanba iha semana kotuk nee ami hahu tiha ona halo negosiasaun ho jerente Hotel Timor nian kona ba atu hasae salariu, kontinuasaun husi  sorumutu dahuluk nee sei halo fali iha dia 03, neebe buat hotu lao diak  ona, ami desde komemora tinan hirak kedas too agora ami ameasa ema nee la iha, neebe ameasa nee la loos,” dehan Jose.

Nia esplika katak, informasaun nee la loos tanba sira liu husi Hotel Timor ba iha Palasiu nia oin, ba iha rotunda merkadu lama, Audian  depois tun iha Bidaun Lesidere too konsentra iha hali hun Palasiu nia oin.

“Komemorasaun neebe mak Ami (KSTL) halo nee la iha intimidasaun kala organizasaun seluk karik, mais ami la halo ameasa ba ema,”afirma Jose.

Too nutisia nee publika Diariu STL nee seidauk halo konfirmasaun ho nain ba Hotel Timor inklui mos Foram. Lucia Ximenes

Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: