Setor Turizmu TL Sedauk Lao

DILI – Dezemvolvimentu Setor Turizmu iha Timor Leste (TL) sidauk lao diak tanba Guvernu lataumatan ba fatin Turizmu.

Direktor luta hamutuk Jose Alves da Costa katak, durante nee ladun hare rendimentu neebe hatama husi setor Turizmu ba kofre estadu.

Ita durante nee ladun hare katak, depois tinan sanulu setor Turizmu hatama rendimentu sekian ba kofer estadu. Realidade ita lahare maske nia ministeriu iha ou ninia sekretariu estadu iha maibe durante nee iha tinan lima kotuk, ita hare feira temporariomente maibe fo benefisiu ba sustentabilidade setor Turizmu nian rasik, dehan Jose Alves da Costa ba STL iha ninia servisu fatin.

Nia hatutan, hare tinan ikus nee investimentu ba iha Turizmu 0,1% deit maibe politika dezemvolvimentu setor Turizmu nee rasik laiha.

“Timor nee kiik oan ida, sei ita iha politika diak halo investimentu makaas, laos politika deit maibe politika ho ninia finanseiru ita bele dezemvolve diak liu tan, Timor diak liu fatin Turizmu iha Bali-Indonezia, bele sai hanesan opsaun deste nasaun ba Turista sira,”tenik nia.

Nia dehan, agora ema mai iha nee atu ba toba iha neebe depois atu ba fatin ruma hanesan Bee Manas Marobo maibe antes too Marobo nia isin moras hotu mak foin too iha neba, nee ema lakoi entaon infra-estrutura mos tenke lao ho politika iha korelasaun ho setor sel-seluk.

“Ita hakarak Dezemvolve ita nia setor Turizmu tenke investe mos ho setor Edukasaun, para oinsa ema iha karakter diak atu simu ema ou atrai ema, sei lae sira mai tun deit iha Aeroportu ema hadau deit sira nia pasta iha neba, nee ema tauk atu mai hare ita nia rain. Ita tenke disiplina ho buat sira nee.

Tuir Estudante UNTL Faculdade Economia Departementu Turizmu Maria Senia Neto nia observasaun ba dezenvolvimentu desde tinan 2005 ate agora, dezenvolvimentu setor turizmu ladun diak.

 “Hau nia observasaun ba dezemvolvimentu setor Turizmu desde 2005 ate agora ita ladun dezemvolve ho diak. Politikamente ita koalia katak Timor persiza dezemvolve setor Turizmu, edukasaun, saude, no agricultura,”katak Maria iha kampus ekonomia UNTL, Kuarta (31/05/2017).

Obserbasaun STL iha trenu katak, dezemvolvimentu setor Turizmu sidauk lao diak, tanba nee persiza dezemvolve setor Turizmu. Est4

Suara Timor Lorosae