Komandu Rezeita Iha Polisia Falsu

DILI - Tuir informasaun neebe mak espailha iha publiku nia let iha fulan kotu, iha polisia falsu balu neebe mak uza atributu polisia nian hodi prende motor ho kareta.

Relasiona ho informasaun nee tuir Komandate Operasaun Polsia Nasional Timor Leste, Superintendente Xefe Polisia, Henrique da Costa, katak too agora nia parte seiduak simu informasasaun nee.

Polisia falsu too agora hau seidauk simu informasuan ou relatoriu eskirita ruma, se karik iha polisia falsu ita bele hatene tanba, Polisia iha Timor laran tomak hamutuk 415 neebe laiha Polisia falsu,” hatete Henrique.

Nia hatutan, karik iha Polsia falsu, maka fasil atu identifika tanba numeru Polisia iha TL uituan deit. Tuir Henrique karik Polisia balu neebe mak hetan ona demisaun mak mosu hanesan Polisia falsu maibe nee seidauk los.

Iha sorin seluk Adjuntu Diretur Fundasaun Mahein, João Almeida dehan, tuir informasaun iha fulan kotuk mosu Polisia falsu no Polsia mos detekta ona Polisia falsu sira nee.

Kuandu identifika laos polisia, uza deit atributu polisia nia, I polisia hola ona memidas hasoru ema nee rasik. Mosu buat balun maibe ita hotu la espekta, tanba nee mak iha fulan kotuk komandu PNTL, liu husi media mos fo sai katak, polisia hola ona medias ba ema nee.

Nia hatutan husu ba komonidade tomak kuandu kuinese ema ruma neebe mak laos polisia maibe uza atributu polisia nian maka tenke fo hatene ba polisia atu nunee bele kaptura ema nee.

Nunee mos estudante UNTL, Eduardo Ximenes mos hatete, husu atu Polisia buka tuir informasaun konaba polisia falsu hodi investiga.

“Hau hanoin informasaun nee hanesan buat ida karik fo atensaun ba ita nia polisia para tenke buka hatene took informasuan, karik mak iha ema ruma mak halo nia aan hanesan polisia ka mak identifika ema ruma tenke halo investigasaun,” dehan Eduardo. Lucia Ximenes/Natalino Costa

Suara Timor Lorosae