DILI,
(TATOLI) – Tribunál Distritál Dili (TDD) liuhosi juiz singulár, Patrocínio
Antonino absolve (inosente hosi akuzasaun) jornalista Raimundo Oki ho Lourenço
Martins ba kazu denúnzia kalunioza artigu 285 kodigu penál hasoru eis asesór
ministériu finansa, Rui Maria de Araújo nu’udar pontu reflesaun ba
jornalista hotu.
“Konselu
imprensa nia haree ba desizaun finál hosi tribunál hanesan pontu reflesaun ida
ba sosiedade, liuliu jornalista sira tenke kumpre lei komunikasaun sosiál, kode
étika jornalista ne’ebé aprova ona”, Prezidente Konsellu Imprensa, Virgilio
Guterres ba jornalista sira iha ninia servisu fatin, ohin.
Prezidente
KI hato’o apresiasaun ba servisu autór judisíariu sira iha TDD ne’ebé hala’o
kna’ar ho profesionál hodi tetu kazu Timor Post ho lezadu Rui Maria de Araújo,
atuál Primeiru Ministru.
Enkuantu,
KI apresia tanba rona mós pareser hosi KI nian atu foti desizaun hotu ho rigór.
KI kontinua respeita prosesu tribunál.
“Ita
hotu hamutuk asegura no promove liberdade imprensa no espresaun ho
responsabilidade iha ámbitu demokrásia”, hatutan tan.
Sorin
seluk, reprezentante jornalista hosi Timor-Leste Press Uniaun iha KI, Quito
Simões Belo fó korajen ba jornalista sira atu hala’o nafatin servisu
jornalístiku ho profesionál no responsabilidade tuir kode étika ne’ebé
mak aprovadu ho lei komunikasaun sosiál.
Jornalista:
Zezito Silva | Editora: Rita Almeida
Foto:
Prezidente Konsellu Imprensa, Virgilio Guterres hamutuk ho ninia membru sira,
ohin iha Kintal Boot halo konferénsia imprensa kona-ba desizaun Tribunál
Distritál Dili hosi absolve jornalista Raimundo Oki ho Lorenço Martins hasoru eis
asesór ministériu finansa, Rui Maria de Araújo ba kazu denúnzia kalunioza. Foto
mídia Konsellu Imprensa
Sem comentários:
Enviar um comentário