Geolojista TL Aprejenta Mapa Geomorfologia

DILI – Guvernu liu husi Ministeiru Petrolium e Rekursu Minerais Diresaun Teknika (ANPM) kria segundu diskusaun relasiona ho seminariu neebe involve Geolojista Timor oan hodi aprezenta Mapamentu Geomorfologia iha teritoriu Timor-Leste (TL).

Seminariu neebe realiza ba dalarua nee, halao iha salaun Maubara Timor plaza durante loron rua hahu Kinta, 13/07/2017 no sei remata iha Sesta, 14/07/2017. Tema ba seminariu mak prosesu inplementasaun projeitu PGAI neebe foka liu ba aprejentasaun mapamentu neebe durante nee geolojika sira survey iha teritoriu Timor laran tomak.

Ministieiru petroliu minerais neebe resposabliza ba tekiniku sempre halo debate regular, relasiona ho dadus neebe mak Geolojika survey, hanesan iha fulan Febereiru halao ona primeiru seminariu no ohin (horseik-red) hanesan kontinuasaun seminariu ba dalarua ho nia objektivu hanesan ezercisiu iha Ministeiru Petroliu Rekursu Minerais nia laran nuudar agensia tekniku neebe mak resposabliza ba projetu Peskiza Aero no fizika integradu neebe mak Ministeiru Planeamentu estrateziku e investementu mak nuudar nain ba projeitu refere.

Repostasta ba aktividade seminariu refere, Prezidenti Autoridade Nasional Petroliun Minerais (ANPM) Gualdino do Carmo Silva hatete Objektivu husi seminariu nee atu komprende liu tan saida mak potensia Timor iha,“ intermu rekursu petroriferu, naturais no minerais, konserteza iha dadus foun, tanba nee mapamentu neebe konprensivu, foin primeira ves iha ita nia historia nuudar nasaun,” dehan Gualdino iha salaun Maubara Timor Plaza, Kinta (13/07/2017).

Gualdino realsa tan katak aktividade mapamentu neebe mak halo, involve Geolojia Timor oan nunee bele komprende klean liu tan, potensia neebe TL iha.

Tekniku geolojia Timor oan sira mos hola parte iha prosesamentu interpretasaun ba dadus geofiziku, nunee bele konprende liu tan iha area refere, liu-liu dadus neebe mak ita uza hela no dadus foun neebe iha,” dehan Gualdino.

Nia hatutan, dadaun nee dadus iha ona mesmu seidauk final maibe pelumenus iha ona indikasaun neebe hatudu katak TL nia natureza forneza ba potensia saida, atu klaru rezultadu potenisia Timor, dadus sei aprezenta iha loron ikus seminariu nee remata.

Prezidenti ANPM nee realsa liu tan katak, durasaun ba mapamentu nee 18 mezes maibe atraza ituan tanba iha difikuldade ho lisensa avisaun iha fronteira, liu – liu iha area Indonesia nian tanba involvementu Ministeiru tolu. Alende nee mos mesmu iha ona lisensa, sei iha defikuldade iha terenu nunee atraza tuir Holariu, maibe interpretasaun remata ona.

Iha fatin hanesan Geolojia Timor oan, Anabela Moniz esplika relasiona ho aprejentasaun dadus ka mapamentu neebe sira nia ekipa aprejenta, mak hanesan Interpreta mapa liu-liu kona ba difikuldade neebe mak sira hetan, wainhira tun ba terenu atu foti dadus.

Aprejentasaun nee relasiona ho mapamentu geolojia nian, primeiru halo tiha intepretasaun mak tun ba kampu cek fali katak buat neebe mak ita intepreta nee los ga lae,” dehan Moniz iha salaun Maubara Timor Plaza, Kinta (13/07/2017).

Nia hatutan difikuldade tun ba terenu mak wainhira iha tempu udan, tanba atu foti fatuk dalaruma iklima udan difikulta ami atu halo analiza hanesan afeita ba kareta mout, posibilidade bele toba deit iha kampu.

Alende nee Direktor Operasional PT. Karvak, Sofan Prihadi mos hatete, Aprejentasaun materia iha seminariu hanesan progresu Geomorfologia.

Ami iha projetu, lider neebe mak geralmente halo hotu ona survey iha Timor laran ho detallu, husi data neebe hetan, ami tun ba terenu atu indentifika Geomorfologia iha rai leten, nunee bele halo interpretasaun potensia neebe iha rai okos. Alende nee aprejenta mos intepretasaun dadus Geologia, ita iha ona data geologia maibe nee geral entaun atu detaillu ka espesifikamente dadus sira neebe mak iha presija halo analiza klean liu tan atu nunee intepretasaun neebe mak halao detallu liu tan.

Ekipa neebe mak hola parte iha peskiza Geologia no Geomorfologia iha ekipa rua, hanesan husi Timor oan rasik hamutuk 22 pesosas no husi PT. Karvak hamutuk 20 pessoas no tuir tarjeitu ba projeitu Peskiza Aero no Fizika intergrade nee, tinan oin (2018) sei remata. Espera liu husi dadus sira neebe mak interpreta bele utiliza ba interese Nasional TL nian hanesan minarais no rekursu naturais seluk. Natalino Belo

Suara Timor Lorosae