Iha
loron-segunda ne'e, Prezidente timoroan defende ona revizaun ida ba lejislasaun
kona-ba forsa sira defeza nian, hodi garanti katak adekuadu ba realidade hosi instituisaun
nian, hanesan obrigasaun desmobilizasaun hosi sira ne'ebé iha liu tinan 60.
"Bainhira
lei anterior sira ne'ebé la koresponde ona ba realidade ba dezenvolvimentu hosi
instituisaun FDTL nian, lei sira ne'e tenki hetan revizaun", hatete hosi
xefe Estadu, Francisco Guterres Lu-Olo, ba Lusa bainhira hala'o vizita dahuluk
ba komando Falintil-Forsa sira Defeza Timor-Leste (F-FDTL) iha Díli.
"Bainhira
iha lei ruma ne'ebé kona ba sira ne'ebé ho tinan 60 tenki desmobilizadu, ha'u
hanoin katak asuntu ne'e tenki estuda ho di'ak hodi hametin forsa armada sira
no nune'e bele dezenvolve iha futuru", nia explika.
Asuntu
ne'e hanesan importante tebes tanba iha loron 06 Outubru hotu ona mandatu hpsi
komandante prinsipal na'in tolu hosi F-FDTL nian, ne'ebé nia permanénsia iha
kargu "aumenta ona" aleinde duké ida ne'ebé maka lei hatete no
liuhosi alterasaun ida ho dekretu ba estatutu militar sira nian.
Iha
kauza maka mandatu sira hosi major-jeneral Lere Anan Timur, xefe Estadu-Maior
Jeneral hosi Forsa Armada sira nian, hosi brigadeiru-jeneral Filomeno da Paixão
de Jesus, vizi-xefe Estadu-Maior Jeneral hosi Forsa Armada sira nian, no hosi
koronel Falur Rate Laek, nu'udar xefe Estadu-Maior Forsa Armada sira nian.
Kestaun
troka nian iha komando F-FDTL nian hamosu ona momentu ida tensaun maka'as nian
entre Governu ho anterior Prezidente Taur Matan Ruak (ne'ebé hanesan antesesór
hosi Lere nian iha komando FDTL nian), no ne'ebé maka demiti ona komandante,
anunsia hafoin promosaun hosi Filomeno Paixão ba kargu no hafoin ne'e aumenta
ona mandatu ba tinan tolu, hodi konfronta ho proposta ida iha sentidu ne'e hosi
ezekutivu.
La'ós
de'it hanesan kestaun ida lejislativu, susesaun ne'e iha relasaun ho membru
sira ne'ebé tuan liu iha instituisaun reprezenta FDTL ba nia antesesór, frente
armadu hosi rezisténsia ba okupasaun indonéziu, Falintil.
Saída
hosi sira ne'ebé tuan liu, sira hotu hanesan veteranu hosi luta nian - Lu-Olo
rasik ne'ebé ohin loron hanesan komandante supremu hosi FDTL uluk hanesan
guerilleiru - implika ona tranzisaun jerasional ida ba forsa ida ne'ebé
"desligadu" hosi pasadu.
Aleinde
prosesu ne'ebé naturalmente tenki akontese, iha mós kestaun hosi konseitu
estratéjiku foun hosi defeza natural, ne'ebé tenki traduzidu iha lejislasaun ho
fortalesimentu hosi kapasidade tékniku sira no humanu sira hosi forsa ne'ebé,
hanesan ezemplu, luta ho fraku hodi halo asaun iha tasi.
Bainhira
Lusa husu katak karik komando tenki eleitu fila fali, Lu-Olo la hatete
"sim ka la'e", remete asuntu ba konsiderasaun hosi Governu ne'ebé sei
sai hosi parlamentu ne'ebé eleitu iha loron 22 Jullu oinmai.
"Maibé
buat ida ne'ebé loos no ha'u tenki husik klaru. Bainhira ita introdúz elementu
Falintil iha konseitu dezenvolvimentu hosi FDTL nian, prezensa ne'e sei posível
hodi hametin dezenvolvimentu hosi F-FDTL nian", nia hatete.
Lere
bainhira hatán ba pergunta hosi Lusa kona-ba karik nia hakarak ka la'e hodi
kontinua iha kargu, nia hatete katak respeita desizaun hosi instituisaun sira
Estadu nian, konsidera katak senti preparadu hodi servi nasaun bainhira iha
saúde.
"Laiha
ema ida maka husu mai ha'u atu hakarak ka la'e. Bainhira ha'u halo funu laiha
ema ida maka husu mai ha'u katak hakarak halo funu ka la'e. Kestaun maka
interese nasional. Ha'u luta ona ba kauza ida, ba independénsia. Agora ami
independente ona. Ha'u nia aflisaun, preokupasaun maka estabilidade nasional.
Lahó ne'e, ita ko'alia kona-ba progresu, dezenvolvimentu laiha sentidu",
nia afirma.
"Buat
ne'ebé maka interese mai ha'u, ho Lere ka lahó Lere, ho Taur ka lahó Taur, ho
Xanana ka lahó Xanana, maka estabilidade nasional. Bainhira polítiku sira
hanoin katak forma joven sira, bele hametin nasaun, Estadu, hodi garanti
estabilidade, laiha problema. Ha'u, bainhira iha kondisaun saúde nian, ha'u sei
serve nasaun, serve ha'u nia povu to'o ha'u laiha kbiit", nia hatutan.
Lere
hatete ona katak Timor-Leste labele estraga ema joven sira ka ema katuas sira
no nia fó hanoin katak, liuliu iha momentu eleisaun sira nian, ne'ebé povu iha
ona juízu no haree nafatin ba líder sira la'ós ba partidu sira.
"Tinan
avansadu hanesan dalan úniku ne'ebé maka ema tuir", nia hatete.
"Agora
ema barak ba kampaña CNRT nian tanba iha ne'ebá iha Xanana, ema rihun resin ba
kampaña Fretilin nian tanba iha Mari. Ba kampaña ida PLP nian tanba iha Taur.
Iha tinan 20 oinmai ne'e sei la akontese", nia hatete.
Nia
hatete katak sé maka manán "jerasaun antigu, fundador sira tenki halibur
esforsu sira hotu hodi mantén dame no estabilidade no dezenvolvimentu nasaun
nian".
Iha
loron-segunda ne'e Lu-Olo halo vizita ba dala uluk ba kuarte-jeneral F-FDTL
nian dezde nia simu pose iha loron 20 Maiu.
SAPO
TL ho Lusa | Foto@ Nuno Veiga/EPA
Sem comentários:
Enviar um comentário