terça-feira, 11 de julho de 2017

Debate Parpol Sei Hahu, Ukun Ho Fuan, Lidera Ho Matenek

PARTILHAR
DILI – Debate entre Partidu Politiku (Parpol) 20 inklui bloku koligasaun ida (1) sei hahu iha dia 17 too 18, durante loron rua ho tema “Ukun ho fuan, lidera ho matenek.

Komisaun organizadora kompostu husi Komisaun Nasional Eleisaun (CNE), Komisaun Anti Korupsaun (CAC), Provedoria dos Direitos Humanus i Justisa (PDHJ), Konsellu Imprensa (KI) inklui Radiu Televizaun Timor Leste Empreza Publika (RTTL.ep).

Tuir Prezidente Komisaun Organizador, Alcino Barris katak, enkontru nee halo aprovasaun ba prosedementu, iha ona moderador no mos iha ona perguntas neebe mak atu husu ba partidu politik sira.

Ohin konklui ba realizasaun ba debate partidu politiku sira neebe planeia iha dia 17-18, loron rua nia laran,” dehan Alcino ba jornalista sira wainhira remata sorumutu iha salaun CNE, Caicoli-Dili, Segunda (10/07/2017).


Prezidente komisaun nee haktuir, razaun realiza debate nee tanba ejizensia husi partidu politiku tanba iha debate nee iha sentidu oioin, ida atu fasilita partidu politiku sira transmite lolos vizaun, misaun no komprimisu politik.

Iha fatin hanesan, Koordenador Programasaun Teknika RTTL. EP, Jose Manuel Maniquin esplika, prezensa RTTL.ep iha CNE, tanba hola parte mos iha komisaun ba preparasaun debate partidu politiku sira.

Entertantu, Provedor dos Direitos Humanus i Justisa (PDHJ), Silveiro Pinto hatete, programa debate kontestante eleisaun parlamentar 2017 neebe sei realiza iha CNE nee importante tebes, atu nunee publiku bele akompania. Raimundo S. Fraga

Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: