DILI,
(TATOLI) – Governu no nia parseiru foin lais ne’e relata iha relatóriu ida
katak ró kruzeiru (ró pasiar) poténsiál ba turíztiku Timor-Leste (TL).
Relatóriu
ne’e dezenvolve husi Market Development Facility, The Asian Foundation,
Gabinete Ministru Estadu, Koordenadór Asuntu Ekonómiku (MEKAE) no Ministériu
Turizmu, Arte no Kultura (MTAK) identifika turizta hamutuk 1.721 husi ró
Pacific Dawn ne’ebé mai vízita Dili, gasta ona osan US$106.998 durante sira nia
vísita.
Tuir
relatóriu ne’ebé Tatoli asesu, maske iha limitasaun no dezafiu oin-oin ho
pursentu 95 resin turizta husi ró ne’ebé tama, sente haksolok ho hetan
esperiensia ne’ebé pozitiva no turizta ne’ebé hetan intrevista haktuir katak
sei rekomenda TL hanesan fatin turíztiku ba sira nia belun no familia sira.
Besik
pursentu 20 halo vizita, akompaña husi mata-dalan sidade, pursentu 39 sosa
sasan lembransa, pursentu 20 uza bis-kota (autokarru) “Dili Explorer
Hop-On Hop-Off” no pursentu 60 halo vizita rasik ba sidade kapitál.
Atrasaun istórika no kulturál sira maka hetan vizita barak liu, hanesan
Kristu-Rei pursentu 47, merkadu Tais nian pursentu 45 no Muzeu
Rezisténsia pursentu 35.
Nune’e,
lisaun ida ne’ebé hetan husi vizita ne’e maka presiza iha koordenasaun ida
di’ak liu entre setór privadu no públiku hodi hadi’a serbisu prinsipál balun no
hetan rezultadu ne’ebé di’ak. Presiza mós hadi’a di’ak liután serbisu balun
hanesan infraestrutura portuária, atendimentu ba públiku, kualidade taksi no
asesu ba troka osan.
“Atu
hahú ho di’ak iha área kruzeiru presiza haforsa oras ne’e kedas. Ita sente iha
beran boot bainhira ita hatene, bainaka sira haktuir katak sira gosta
Timor-Leste husi ninia hahalok oinsá simu bainaka sira, ho ema
sira-ne’ebé hatudu oin-ksolok no Timor-Leste ninia ambiente ne’ebé diak”, tenik
Portavoz, Ministru Estadu Prezidente Konselhu Ministru Agio pereira.
Hodi
realsa katak turizmu hanesan área ida ne’ebé prioritáriu iha planeamentu ba
dezenvolvimentu no sei hetan susesu ho serbisu hamutuk, no konsidera setór ne’e
hanesan parte ida importante ba futuru.
Tuir
informasaun, ró kruzeiru Pacific Eden tuirmai sei to’o iha Dili iha loron
18 agostu tinan ne’e.
Jornalista:
Julia Chatarina | Editora: Rita Almeida
Sem comentários:
Enviar um comentário